Долбоор

Бишкек шаарынын мэриясы

                                                            2026-жылдын «___» ______

БИШКЕК ШААРДЫК КЕҢЕШИ

Бишкек шаарында Органикалык айыл чарбанын

улуттук күнүн өткөрүү боюнча иш-чаралар планын

бекитүү жөнүндө

Органикалык айыл чарбаны өнүктүрүү, ата мекендик продукциянын атаандаштыкка жөндөмдүүлүгүн жогорулатуу, экологиялык маданиятты калыптандыруу жана туура тамактанууну жайылтуу максатында, Кыргыз Республикасынын Президентинин 2026-жылдын 11-февралындагы № 40 «Органикалык айыл чарбанын улуттук күнү жөнүндө» Жарлыгын аткаруу үчүн, «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын Мыйзамынын 39-беренесине ылайык, Бишкек шаардык кеңеши токтом кылат:

1. Бишкек шаарында Органикалык айыл чарбанын улуттук күнүн өткөрүү боюнча иш-чаралар планы (мындан ары – План) тиркемеге ылайык бекитилсин.

2. Төмөнкүлөр белгиленсин:

- Бишкек шаарында Органикалык айыл чарбанын улуттук күнү жыл сайын сентябрь айынын акыркы жума күнү өткөрүлө (белгилене) тургандыгы;

- зарыл болгон учурда Бишкек шаарынын мэриясы жергиликтүү бюджетте каралган каражаттардын чегинде, ошондой эле Кыргыз Республикасынын мыйзамдарында тыюу салынбаган башка булактардын эсебинен иш-чаралардын бекитилген Планына өзгөртүүлөрдү жана толуктоолорду киргизүүгө укуктуу экендиги.

3. Бишкек шаарынын мэриясы План менен каралган иш-чаралардын өз убагында жана сапаттуу аткарылышын камсыз кылсын.

4. Ушул токтом каттоодон өткөрүлсүн жана Кыргыз Республикасынын ченемдик укуктук актыларынын реестрине киргизүү үчүн Кыргыз Республикасынын Юстиция министрлигине жөнөтүлсүн.

5. Ушул токтомдун аткарылышын контролдоо Бишкек шаардык кеңештин туруктуу комиссиясына жана Бишкек шаарынын мэрине жүктөлсүн.

Бишкек шаардык

кеңешинин төрагасы                                     Б. Усеналиев

Тиркеме (docx.25kb)

Негиздеме-маалымкат (docx.21kb)

Финансылык корутунду (pdf.424kb)

Юридикалык корутунду (pdf 378kb)

Долбоор

    Бишкек шаарынын мэриясы

  2026-жылдын «__»________

БИШКЕК ШААРДЫК КЕҢЕШИНИН

ТОКТОМУ

 Бишкек шаардык кеңешинин

2025-жылдын 27-мартындагы № 18

«Бишкек шаардык кеңешинин мамлекеттик

менчик объекттерин муниципалдык

менчикке кабыл алууга макулдук берүү

 жөнүндө ченем жаратуу ыйгарым укуктарын

 Бишкек шаарынын мэриясына

өткөрүп берүү тууралуу» токтомуна

өзгөртүүлөрдү киргизүү жөнүндө

Жергиликтүү маанидеги маселелерди чечүүнүн ыкчамдыгын жогорулатуу максатында, «Мүлккө муниципалдык менчик жөнүндө», «Кыргыз Республикасынын ченемдик укуктук актылары жөнүндө», «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын мыйзамдарына ылайык, Бишкек шаардык кеңеши токтом кылат:

1. Бишкек шаардык кеңешинин 2025-жылдын 27-мартындагы  №.18 «Бишкек шаардык кеңешинин мамлекеттик менчик объекттерин муниципалдык менчикке кабыл алууга макулдук берүү жөнүндө ченем жаратуу ыйгарым укуктарын Бишкек шаарынын мэриясына өткөрүп берүү тууралуу» токтомуна төмөнкүдөй өзгөртүү киргизилсин

2-пункта «бир жылдын ичинде» деген сөздөр «эки жылдын ичинде» деген сөздөр менен алмаштырылсын.

2. Бишкек шаарынын мэриясы белгиленген тартипте ушул токтомдон келип чыккан тийиштүү чараларды көрсүн.

3..Ушул токтом каттоодон өткөрүлсүн жана Кыргыз Республикасынын ченемдик укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтүлсүн.

4. Ушул токтомдун аткарылышын контролдоо Бишкек шаардык кеңешинин муниципалдык менчик, жер маселелери, шаар куруу жана архитектура боюнча туруктуу комиссиясына, Бишкек шаарынын мэрине жана муниципалдык мүлк маселелерин жетектеген мэрдин орун басарына жүктөлсүн.

Бишкек шаардык кеңешинин

төрагасы                                                    Б. Б. Усеналиев

Негиздеме-маалымкат (docx.24kb)

Салыштырма таблица (docx.24kb)

Финансылык корутунду (jpg.272kb)

Юридикалык корутунду (jpg.296kb)

Долбоор

Бишкек шаарынын мэриясы

2026-жылдын «__» _______

БИШКЕК ШААРДЫК КЕҢЕШИНИН ТОКТОМУ

2025-жылга карата Бишкек шаарынын социалдык-экономикалык өнүктүрүү программасын жана 2026-2027-жылдарга болжолун

 ишке ашыруу боюнча отчёт жөнүндө

«Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын Мыйзамынын 34, 39-беренелерине ылайык, Бишкек шаардык кеңеши токтом кылат:

2025-жылга карата Бишкек шаарынын социалдык-экономикалык өнүктүрүү программасын жана 2026-2027-жылдарга болжолун ишке ашыруу боюнча отчёт эске алынсын.

Бишкек шаардык кеңешинин

төрагасы                                                Б. Усеналиев

Тиркеме (docx.98kb)

Тиркеме 2 (docx.58kb)

Отчет (docx. 29kb)

Негиздеме-маалымкат (docx.20kb)

Финансылык корутунду (pdf.488kb)

Юридикалык корутунду (pdf.511kb)

        Долбоор

        Бишкек шаарынын   мэриясы

        2026-жылдын «____» ______

БИШКЕК ШААРДЫК КЕҢЕШИНИН ТОКТОМУ

2025-жылдагы Бишкек шаарынын бюджетинин аткарылышы жөнүндө отчётту бекитүү тууралуу

Кыргыз Республикасынын Бюджеттик кодексинин 117-беренесине, «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын Мыйзамынын 34-беренесинин 2-бөлүгүнүн 2-пунктуна, 39-беренесине ылайык, Бишкек шаардык кеңеши токтом кылат:

1. 2025-жылдагы Бишкек шаарынын бюджетинин аткарылышы жөнүндө отчёт атайын каражаттарды, расмий трансферттерди, активдерди жана милдеттенмелерди, жылдын  башталышына карата каражаттардын калдыгын эске алуу менен кирешелер боюнча 34 363 030,2 миң сом суммасында, чыгашалар боюнча 30 764 518,3 миң сом суммасында,
2026-жылдын башталышына карата каражаттардын калдыгы
менен 3 598 511,8 миң сом суммасында бекитилсин.

2..Ушул токтом каттоодон өткөрүлсүн жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жɵнɵтүлсүн.

3. Ушул токтомдун аткарылышын контролдоо Бишкек шаардык кеңешинин экономика, бюджет, финансы жана инвестициялар боюнча туруктуу комиссиясына жүктөлсүн.

4. Ушул токтом расмий жарыяланган күндɵн тартып күчүнɵ кирет.

Бишкек шаардык

кеңешинин төрагасы                                                         Б.Б. Усеналиев

Жергиликтүү бюджеттин киреше жана чыгашалар теңдемеси (pdf. 3mb)

Негиздеме-маалымкат (docx.30kb)

Түшүндүрмө кат (pdf. 689kb)

Финансылык корутунду (pdf.653kb)

Юридикалык корутунду (pdf .583kb)