БИШКЕК ШААРДЫК КЕҢЕШТИН

ТОКТОМУ

«Бишкек шаарынын Ардактуу жараны»

наамын ыйгаруу жөнүндө

Депутаттардын Бишкек шаардык Кеңешинин 2005-жылдын 10-октябрындагы №111 «Бишкек  шаарынын Ардактуу жараны жөнүндө жобону  бекитүү жөнүндө» токтому менен бекитилген жобого ылайык, 2015-жылдын 10-июлундагы комиссиянын №1 чечиминин жана 2015-жылдын 21-июлундагы “Вечерний Бишкек” газетасынын  83-санында жарыяланган “Бишкек шаарынын Ардактуу жараны” наамын ыйгарууга көрсөтүлгөн талапкерлер жөнүндө маалыматтардын негизинде, мекемелердин жана коомдук уюмдардын өтүнүчтөрүн эске алуу менен, Бишкек шаарынын экономикалык жана социалдык-маданий өнүгүүсүнө кошкон чоң салымы, активдүү коомдук жана меценаттык иши үчүн, Бишкек шаардык кеңеш

ТОКТОМ КЫЛАТ:

1.       2015-жылга “Бишкек шаарынын Ардактуу жараны” наамы ыйгарылсын:

1)      Гасанов Асад Гасан оглыга - Кыргыз Республикасынын эмгек сиңирген куруучусу,  Улуу Ата Мекендик согуштун катышуучусу;

2)      Зарифьян Анэсс  Гургеновичке  – Кыргыз Республикасынын маданиятка эмгек сиңирген ишмери,  профессор,  Б. Н. Ельцин атындагы  Кыргыз-Орус Славян университетинин кафедра  башчысы;

3)      Иманалиев Бейшенбек Султановичке - Кыргыз Республикасынын эмгек  сиңирген  куруучусу, “Кыргыз тили” республикалык коомунун вице-президенти;

4)      Касиев Накенге – Кыргыз Республикасынын эмгек сиңирген врачы, медицина илимдеринин доктору, профессор;

5)      Мамеев Тологонго – Кыргыз Республикасынын Эл акыны, Кыргыз Республикасынын маданиятына эмгек сиңирген ишмери, Кыргыз Республикасынын улуттук  жазуучулар союзунун мүчөсү;

6)      Салымбеков Жумабек Мамытбаевичке – Бишкек шаардык кеңештин  ХХIV, ХХV, ХХVI чакырылыштарынын депутаты;

7)      Сеитбеков Сайфудин Сеитбековичке - Кыргыз Республикасынын эмгек сиңирген экономисти, Кыргыз Республикасынын мамлекеттик кызматынын отличниги;

8)      Каткова Лидия Петровнага - Кыргыз Республикасынын калкты тейлөө чөйрөсүнө эмгек сиңирген кызматкери.

2.       Бишкек шаарынын мэриясы Депутаттардын  Бишкек шаардык Кеңешинин  2007-жылдын 19-мартындагы  № 311 «Бишкек шаарынын Ардактуу жаранынын Белгисинин, Грамотасынын, Күбөлүгүнүн жоболорун жана жазууларын жана Бишкек шаарынын ардактуу жаранынын Китебин бекитүү жөнүндө» токтомуна ылайык бир айлык мөөнөттө 2015-жылда бул наамга татыктуу болгон жактарга тапшыруу үчүн Бишкек шаарынын Ардактуу жаранынын Белгилерин, Грамоталарын, күбөлүктөрүн даярдоону камсыз кылсын.

3.       Ушул токтом жарыяланган күндөн тартып күчүнө кирет.

4.       Ушул токтомдун аткарылышын контролдоо Бишкек шаардык кеңештин төрагасынын орун басарына  жүктөлсүн.

Бишкек шаардык кеңештин

төрагасы                                                                      А. М. Кененбаев

Бишкек ш.,

8-декабрь  2015-жыл, №162

БИШКЕК ШААРДЫК КЕҢЕШТИН

ТОКТОМУ

Бишкек шаардык кеңештин төрагасынын орун басары

кызматынан чакырып алуу жөнүндө

Бишкек шаардык кеңештин “КСДП” жана “Республика” фракцияларынын лидерлеринин  орун басарларынын катынын (2015-жылдын 26-октябрындагы кириш №2205), Бишкек шаардык кеңештин регламентинин негизинде, жашыруун добуш берүүнүн жыйынтыгын эске алып, Бишкек шаардык кеңеш

ТОКТОМ КЫЛАТ:

1.  Чынара Казаковна Шейшекееваны Бишкек шаардык кеңештин төрагасынын орун басары кызматынан чакырып алуу жөнүндө чечим кабыл алынды болуп эсептелсин.

2.  Ушул токтомдун аткарылышын контролдоону өзүмдө калтырам.

Төрага                                                                        А. М. Кененбаев

Бишкек ш.,

26-октябрь 2015-жыл, №155

БИШКЕК ШААРДЫК КЕҢЕШТИН

ТОКТОМУ

Бишкек шаардык кеңештин

төрагасынын орун басарын шайлоо жөнүндө

Кыргыз Республикасынын “Жергиликтүү өз алдынча башкаруу жөнүндө”  мыйзамынын 38-беренесинин негизинде, жашыруун добуш берүүнүн жыйынтыгын эске алып, Бишкек шаардык кеңеш

ТОКТОМ КЫЛАТ:

1. Бишкек шаардык кеңештин депутаты  – Асель Айтбаевна Пирматова XXVI чакырылыштагы Бишкек шаардык кеңештин төрагасынын орун басары болуп шайлансын.

2. Бул токтом массалык маалымат каражаттарында жарыялансын.

Төрага                                                                        А. М. Кененбаев

Бишкек ш.,

26-октябрь 2015-жыл, №156

БИШКЕК ШААРДЫК КЕҢЕШТИН

ТОКТОМУ

Бишкек шаардык кеңештин

төрагасын шайлоо жөнүндө

Бишкек шаардык кеңештин XXVI чакырылышынын кезексиз XXVI сессиясынын  эсептөө комиссиясынын төрагасынын Бишкек шаардык кеңештин төрагасын шайлоо боюнча жашыруун добуш берүүнүн жыйынтыктары жөнүндө маалыматын угуп чыгып, Кыргыз Республикасынын “Жергиликтүү өз алдынча башкаруу жөнүндө”  мыйзамынын 37-беренесине, Бишкек шаардык кеңештин регламентинин 16-23-пункттарына ылайык, Бишкек шаардык кеңеш

ТОКТОМ КЫЛАТ:

1. Бишкек шаардык кеңештин XXVI чакырылышынын кезексиз XXVI сессиясынын эсептөө комиссиясынын жыйынынын Бишкек шаардык кеңештин төрагасын шайлоо жөнүндө №1, №2, №3 протоколдору бекитилсин (тиркелет).

2. Бишкек шаардык кеңештин депутаты – Алмаз Муканович Кененбаев XXVI чакырылыштагы Бишкек шаардык кеңештин төрагасы болуп шайланды деп эсептелсин.

3. Бул токтом массалык маалымат каражаттарына жарыялансын.

Төраганын орун басары                                         Ч. К. Шейшекеева

Бишкек ш.,

26-октябрь 2015-жыл, №154