Жаңылыктар

Шайлоо жана референдум өткөрүү боюнча Бишкек аймактык шайлоо комиссиясынын кайрылуусуна ылайык Бишкек аймактык шайлоо комиссиясынын резервин толуктоо үчүн 2025-жылдын 26-сентябрынан 3-октябры саат 18:00гө чейин жергиликтүү өз алдынча башкаруунун өкүлчүлүктүү органдарынан талапкерлерди көрсөтүүнү камсыз кылуу зарыл.

         Аймактык шайлоо комиссияларынын резервине берилүүчү документтердин тизмеги:

- аймактык шайлоо комиссиясынын курамында иштөөгө макулдугу жөнүндө арыз жана Кыргыз Республикасынын шайлоо мыйзамдарынын ченемдерин сактоо тууралу милдеттенме;

- паспорттун көчүрмөсү;

- иштеген жери, окуусу, билими көрсөтүлгөн биографиялык маалыматтар (кадрларды каттоо боюнча өздүк баракча же резюме);

- байланыш маалыматтар: жашаган жеринин дареги, телефон номурлары (үйдүкү, электрондук почтасы);

- көрсөткөн субъектинин протоколу;

- макулдук формасы.

         Көрсөтүүчү субъектилер шайлоо комиссиясынын мүчөлүгүнө талапкерлерди көрсөтүү учурунда шайлоо комиссиясынын мүчөлүгүнө талапкер, эреже катары, тиешелүү калктуу пункттун аймагында жашоого тийиш экенин эске алуулары зарыл.

         Зарыл документтердин үлгүлөрү: арыз,  жарандардын чогулушунун протоколу, жеке маалыматтардын типтүү формасы.

         Маалымат алуу үчүн телефон: (0312) 61-34-65

Тиркеме (docx.27kb)

Тиркеме 2 (docx.28kb)

Тиркеме 3 (docx.16kb)

2025-жылдын 29-сентябрында, саат 9-00дө, Бишкек шаары, Чүй проспекти, 166 дарегиндеги Бишкек шаарынын мэриясынын жыйындар залында XXIX чакырылыштагы Бишкек шаардык кеңешинин кезексиз VIII сессиясы болот.

Президиум Бишкек шаардык кеңешинин кезектеги IX сессиясынын күнүн жана убактысын 2025-жылдын 7-октябрына саат 09-00 го, Чуй проспекти, 166 дарегиндеги Бишкек шаарынын мэриясынын жыйындар залына белгиледи.
Бекжан Усеналиевдин төрагалыгы алдында Бишкек шаардык кеңешинин Президиумунун отуруму өттү.

Президиумдун ишине Бишкек шаардык кеңешинин төрагасынын орун басарлары Жылдызбек Абдраимов жана Эльмир Досалиев, фракция лидерлери, туруктуу комиссиялардын төрагалары, Бишкек шаарынын мэри Айбек Джунушалиев жана мэрдин орун басарлары катышышты.

Сессиянын күн тартибинин долбоору боюнча маселелер каралды жана түзүлдү.

Урматтуу шаарыбыздын туугундары жана меймандары, сиздерди Бишкек шаардык кеңешинин жана өзүмдүн атымдан 31-август Кыргыз Республикасынын Эгемендүүлүк күнү менен чын дилден куттуктайм!

Бул күн элибиздин ынтымагы менен жаратмандыгынын, тарыхы жана жаркын келечегинин символу болгон өлкөбүздүн башкы майрамы.

Эркин мамлекетибизди түптөгөн ата-бабаларыбыздын эмгеги, эки миң жылдан ашык убакытты камтыган тарыхыбыздын үзүрү келечек муун тарабынан да баа жеткис дөөлөт катары аздектелет деп ишенем.

Түндүгүбүз бийик, эркиндигибиз түбөлүк болуп, касиеттүү кыргыз жерибизде бейпилдик өкүм сүрүп, элибизде биримдик орношун тилейм!

Эгемен өлкө экенибизди жар салган кызыл туубуз ар дайым бийиктиктерде желбирей берсин!

Ар бириңиздерге бакубат жашоо, өнүгүү, ынтымак жана ырашкерлик каалайм!

Эгемендигибиз элибизге ар дайым кут алып келсин!

Урматтоо менен,

Бишкек шаардык кеңешинин төрагасы                                        Б. Усеналиев

Бишкек аймактык шайлоо комиссиясынын кайрылуусуна ылайык участкалык шайлоо комиссиясынын резервин толуктоо үчүн 2025-жылдын  5-сентябры саат 18:00гө чейин жергиликтүү өз алдынча башкаруунун өкүлчүлүктүү органдарынан талапкерлерди көрсөтүүнү камсыз кылуу зарыл.
Участкалык шайлоо комиссиясынын резервине сунушталуучу документтердин тизмеги:
- талапкердин аймактык шайлоо комиссиясынын курамында иштөөгө макулдугу жөнүндө арызы жана Кыргыз Республикасынын шайлоо мыйзамдарынын ченемдерин сактоо тууралуу милдеттенме;
- жеке маалыматтарын берүүгө жана иштетүүгө уруксат берүү тууралуу типтүү формасы;
- паспорттун көчүрмөсү;
- иштеген жери, окуусу, билими көрсөтүлгөн биографиялык маалыматтар (кадрларды каттоо боюнча өздүк баракча же резюме);
- байланыш маалыматтары: жашаган жеринин дареги, телефон номерлери (үйүнүн, электрондук почтасы);
- көрсөткөн субъектинин протоколу.
Көрсөтүүчү субъектилер көрсөтүү учурунда шайлоо комиссиясынын мүчөлүгүнө талапкерлердин, эреже катары, тиешелүү калктуу пункттун аймагында жашоого тийиш экенин эске алуулары зарыл.
Зарыл документтердин үлгүлөрү: арыз, жарандардын чогулушунун протоколу, жеке маалыматтарын берүүгө жана иштетүүгө уруксат берүү тууралуу типтүү формасы тиркелет.
Маалымат алуу үчүн телефон: (0312) 61-34-65

Тиркеме 1 (docx. 28kb)

Тиркеме 2 (docx. 29kb)

Тиркеме 3 (docx. 17kb)

2025-жылдын 10-июлунан 14-июлуна чейин Бишкек шаардык кеңешинин төрагасы Бекжан Үсеналиев баштаган делегация Санкт-Петербург шаарынын Мыйзам чыгаруу жыйынынын төрагасы Александр Николаевич Бельскийдин расмий чакыруусу менен Санкт-Петербург шаарында болду. Иш сапардын алкагында Мыйзам чыгаруу жыйынынын депутаттары жана өкүлдөрү менен жолугушуулар болуп, анда шаарды башкаруу, санариптештирүү, ыңгайлуу шаар чөйрөсүн түзүү, ошондой эле муниципалитеттер аралык кызматташтыкты бекемдөө маселелери талкууланды. Ошондой эле, Бишкек шаардык кеңешинин депутаттары "Транспорттук курулуш дирекциясы" Санкт-Петербург мамлекеттик мекемеси, анда жол-транспорт тармагын өнүктүрүү жана ири шаардык долбоорлорду ишке ашыруу маселелери талкууланды жана Санкт-Петербург паркинг башкаруу борбору, анда делегация унаа токтотуучу жайларды санариптик жөнгө салуу механизмдери жана башкаруу системалары менен таанышты. Иш сапардын жыйынтыгы конструктивдүү диалогду мындан ары өнүктүрүүгө жана эки борбордун тургундарынын жыргалчылыгы үчүн демилгелерди ишке ашырууга өз ара кызыкчылыкты ырастады.

2025-жылдын 1-июлунда Бишкек шаардык кеңешинде Сеул шаардык кеңешинин Айлана-чөйрө жана суу ресурстары боюнча комитетинин расмий делегациясы менен жолугушуу болуп өттү. Делегацияны Бишкек шаардык кеңешинин төрагасы Бекжан Усеналиев баштаган депутаттар, фракциялардын жана туруктуу комиссиялардын өкүлдөрү тосуп алышты. Жолугушуу учурунда шаардык инфраструктураны өнүктүрүү, жаратылыш ресурстарын натыйжалуу пайдалануу, айлана-чөйрөнү коргоону башкаруу жана глобалдык табигый көйгөйлөр боюнча тажрыйба алмашуу маселелери талкууланды. Ошондой эле делегация Бишкек шаардык кеңешинин депутаттары менен биргеликте Кыргыз Республикасы менен Түштүк Корея Республикасынын Достук паркынын аймагына барып, достуктун символу катары бак отургузушту. Жолугушуунун жыйынтыгында тараптар мындан аркы кызматташууга даяр экенин билдиришип, муниципалитеттер аралык мамилелерди өнүктүрүүгө колдоо көрсөтүштү. Бишкек шаарына келген конокторго ыраазычылык айтылып, достук байланыштар мындан ары да чыңдаларын айтып өтүштү.

2025-жылдын 25-июнунда XXIX чакырылыштагы Бишкек шаардык кеңешинин кезектеги VII сессиясы болуп өттү. Бишкек шаардык кеңешинин төрагасынын коомдук башталышта орун басары болуп “Эмгек” фракциясынан депутат Эльмир Акуналыевич Досалиев шайланды. Мындан сырткары, күн тартибине ылайык маселелер каралып, Бишкек шаардык кеңешинин токтомдору кабыл алынды. Анын ичинде, «Таза асман - 2030» концепциясы, “2026-2028-жылдарга Бишкек шаарын социалдык-экономикалык өнүктүрүү программасы, Бишкек шаарынын администрациялык райондорунун чектери бекитилди.

Президиум Бишкек шаардык кеңешинин кезектеги VII сессиясынын күнүн жана убактысын 2025-жылдын 25-июнуна саат 09-00 го белгиледи. Бекжан Усеналиевдин төрагалыгы алдында Бишкек шаардык кеңешинин Президиумунун отуруму өттү. Президиумдун ишине Бишкек шаардык кеңешинин төрагасынын орун басары Жылдызбек Абдраимов, фракция лидерлери, туруктуу комиссиялардын төрагалары, Бишкек шаардык кеңешинин депутаттары жана Бишкек шаарынын мэринин орун басарлары катышышты. Сессиянын күн тартибинин долбоору боюнча маселелер каралды жана түзүлдү.

Урматтуу борбор калаанын тургундары жана коноктору!
Сиздерди Бишкек шаардык кеңешинин жана өзүмдүн атымдан ыйык Курман айт майрамы менен чын жүрөктөн куттуктайм! 
Бул касиеттүү майрам ырайымдуулук, боорукердик жана кайрымдуулук сыяктуу түбөлүктүү баалуулуктарды даңазалап, элдин биримдигин, туруктуулугун бекемдеген өзгөчө күн.
Ар бириңиздин үй-бүлөңүзгө тынчтык, бакубатчылык жана береке каалайм. Жакшылыктар арбын болсун, айтыңыздар маарек болсун!
Урматтоо менен,
Бишкек шаардык кеңешинин төрагасы Бекжан Усеналиев 
 

Бүгүн, 2025-жылдын 12-майында XXIX чакырылыштагы Бишкек шаардык кеңешинин кезектеги VI сессиясы болду, анда күн тартибине ылайык маселелер каралды, атап айтканда:
    - оюн-зоок сейил багынын долбоорун жана кошумча ижарага берилүүгө тийиш болгон объекттердин өзгөчө тизмегин макулдашуу жөнүндө, 
    - ААР алкагында жаңы кошулган аймактардын чек аралары жөнүндө, 
    - Төкөлдөш конушунун жер участоктору боюнча маалымат, 
    - Бишкек шаарынын жолдорундагы тыгындар боюнча абал тууралуу.

Урматтуу ардагерлер, тыл эмгекчилери жана сүйүктүү шаар тургундары!

Бишкек шаардык кеңешинин депутаттарынын жана жеке өзүмдүн атымдан сиздерди Улуу Жеңиш күнү менен чын жүрөктөн куттуктайм!

Бул күн - кайраттуулуктун, эрдиктин жана элибиздин жыгылбас рухунун улуу символу болуп саналат.

9-Май - бул муундарды бириктирген ыйык күн. Мекен үчүн алдыңкы сапта каны-жанын аябаган, тылда жан үрөп иштеген, өз өмүрүн курмандыкка чалып, эгемендүүлүктү жана эркиндикти коргоп калган адамдарды эскерүү күнү. Биз ата-бабаларыбыздын эрдигинин алдында терең таазим кылабыз. Алардын мекенге болгон сүйүүсү, кайратмандыгы жана чыдамкайлыгы чыныгы патриотизмдин үлгүсү катары түбөлүккө сакталып калат.

Биздин ыйык милдет — тарыхый чындыкты сактоо, аны жаш муундарга жеткирүү, ардагерлерди колдоо жана Улуу Жеңишке салым кошкондорго дайыма кам көрүү. Эрдиктин эскерүүсү жүрөгүбүздө түбөлүк сакталсын, ал эми алар коргогон тынчтык — бекем жана нурдуу болсун.

Сиздерге бекем ден соолук, бакубат жашоо, тынчтык жана үй-бүлөлүк ынтымак каалайм. Мекенибиздин асманы дайыма ачык болуп, ар бир үйдө кубаныч, жылуулук жана Улуу Жеңиш үчүн сыймык өкүм сүрсүн!

Урматтоо менен, Бекжан Усеналиев

Президиум Бишкек шаардык кеңешинин кезектеги VI сессиясынын күнүн жана убактысын 2025-жылдын 12-майына саат 09-00 го белгиледи.
Бекжан Усеналиевдин төрагалыгы алдында Бишкек шаардык кеңешинин Президиумунун отуруму өттү. 

Президиумдун ишине Бишкек шаардык кеңешинин төрагасынын орун басарлары Жылдызбек Абдраимов жана Болот Ибрагимов, фракция лидерлери, туруктуу комиссиялардын төрагалары, Бишкек шаардык кеңешинин депутаттары жана Бишкек шаарынын мэринин орун басарлары катышты. 

Сессиянын күн тартибинин долбоору боюнча маселелер каралды жана түзүлдү.

Бишкек шаардык кеңешинин төрагасы Бекжан Бактыбекович Усеналиевдин куттуктоосу

Урматтуу Бишкек шаарынын тургундары жана коноктору!

    Баарыңыздарды Бишкек шаардык кеңешинин депутаттарынын жана жеке өзүмдүн атымдан сүйүктүү шаарыбыздын – даңазалуу жана меймандос Бишкектин туулган күнү менен куттуктайм! 
    Бүгүн борбор калаабызга 147 жыл толду. 
Бишкек - өлкөбүздүн административдик жана маданий борбору гана эмес, Кыргызстандын жүрөгү, бай тарыхы, кайталангыс колорити, жан дүйнөсү кең, мүнөзү жылуу шаар. Бул өткөн менен келечек жолугуп, каада-салт сакталып, жаңы идеялар жаралган жер.
Биз анын бай маданий мурастары, жайлуу көчөлөрү, заманбап ишканалары жана албетте, биздин боорукер, сезимтал, эмгекчил жашоочуларыбыз менен сыймыктанабыз. Шаарды жандуу, кооз жана чыныгы сүйүктүү кылган силерсиңер  кымбаттуу мекендештер! 
Бул күн ар бирибиз үчүн өзгөчө!

Сүйүктүү шаарыбыздын келечеги кең, ал эми анын эмгекчил жана камкор тургундары иштерин ийгиликтүү ашырууга жана эң сонун долбоорлорду ишке ашырууга бай мүмкүнчүлүктөргө ээ экенине ишенем. 
Урматтуу Бишкектиктер, Сиздерге чын ден соолук, бакыт таалай, бакубатчылык жана жаңы ийгиликтерди каалайм!
Шаарыбыз гүлдөп, өсүп өнүгө берсин! 
Майрамыңыздар менен!   
Урматтоо менен, Б.Усеналиев

Бүгүн, 2025-жылдын 18-апрелинде XXIX чакырылыштагы Бишкек шаардык кеңешинин кезектеги V сессиясы болду, анда күн тартибине ылайык маселелер каралды, атап айтканда: - туруктуу комиссиялардын төрагаларын жана курамдарын бекитүү, - Бишкек шаарында оюн-зоок сейил багын куруу жана иштетүү маселелери, - “Тазалык” жана “Бишкекшаарлифт” МИлеринин 2024-жылда аткарган иши тууралуу маалыматтары, - Төкөлдөш конушунун жер участоктору боюнча маалымат, - Токомбаев көчөсү, 33, 27/3, Масалиев көчөсү, 81 үйлөрүнүн жашоочуларынын электр энергиясынын өчүрүлүшү боюнча кайрылуусу жөнүндө маалымат.