БИШКЕК ШААРДЫК КЕҢЕШТИН ТОКТОМУ

Бишкек шаардык кеңештин 2013-жылдын 2-апрелиндеги

№ 22 “Бишкек шаарынын географиялык объекттерин кайра

атоо маселелерин тартипке келтирүү жөнүндө” токтомуна

толуктоолорду киргизүү жөнүндө

         Кыргыз Республикасынын “Жергиликтүү өз алдынча башкаруу жөнүндө”, Кыргыз Республикасынын "Кыргыз Республикасындагы географиялык аталыштар жөнүндө"мыйзамдарын жетекчиликке алып, Бишкек шаардык кеңеш

ТОКТОМ КЫЛАТ:

1. Бишкек шаардык кеңештин 2013-жылдын 2-апрелиндеги № 22 “Бишкек шаарынын географиялык объекттерин кайра  атоо маселелерин тартипке келтирүү жөнүндө” токтомунун 1-пункту  “Бишкек шаардык кеңештин 2008-жылдын 26-декабрындагы № 29 “Ч. Т. Айтматовдун атын түбөлүккө калтыруу жөнүндө” токтомунан  жана Кыргыз Республикасынын көрүнүктүү мамлекеттик ишмери Иманалы Айдарбековдун атынан Бишкек шаарынын көчөлөрүнүн бирин кайра атоодон тышкары” деген сөздөр менен толукталсын.

2. Бишкек шаарынын мэриясыКыргыз Республикасынын көрүнүктүү мамлекеттик ишмери Иманалы Айдарбековдун атынан Бишкек шаарынын көчөлөрүнүн бирин кайра атоо жөнүндө маселени Кыргыз Республикасынын мыйзамы тарабынан белгиленген тартипте даярдасын жана  Бишкек шаардык кеңештин сессиясынын кароосуна киргизсин.

3. Ушул токтом каттоодон өткөрүлсүн жана Кыргыз Республикасынын Юстиция министрлигине Кыргыз Республикасынын ченемдик укуктук актыларынын мамлекеттик реестрине киргизүү үчүн жөнөтүлсүн.

4. Ушул токтомдун аткарылышын контролдоо Бишкек шаардык   кенешинин  муниципалдык менчик, жер маселелери, шаар курулуш жана архитектура боюнча туруктуу комиссиясына (У.Е. Адылбеков) жана Бишкек шаарынын вице - мэри Б. О. Дюшембиевге жүктөлсүн.

Бишкек шаардык

кеңештин төрагасы                                                         М. А. Аманкулов

Бишкек ш.,

29-апрель 2015-жыл, № 116      

Бишкек шаардык кеңештин

ТОКТОМУ

1941-1945-жылдарда Улуу Ата-Мекендик

согуштагы Жеңиш күнүнүн 70 жылдыгын

майрамдоого даярдык көрүү  жана өткөрүү

жөнүндө

1941-1945- жылдарда Улуу Ата Мекендик согуштагы Жеңиш күнүнүн 70 жылдыгын майрамдоого даярдык көрүү максатында, Кыргыз Республикасынын Президентинин 2013-жылдын 25-апрелиндеги ПЖ № 93 “1941-1945- жылдарда Улуу Ата Мекендик согуштагы Жеңиш күнүнүн 70 жылдыгын майрамдоого даярдык көрүү жана өткөрүү жөнүндө” Жарлыгын жетекчиликке алып,  Кыргыз Республикасынын “Жергиликтүү өз алдынча башкаруу жөнүндө” мыйзамына ылайык, Бишкек шаардык кеңеш

ТОКТОМ КЫЛАТ:

1. Бишкек шаарында 1941-1945-жылдарда Улуу Ата Мекендик согуштагы Жеңиштин 70 жылдыгын майрамдоого карата “Бессмертный полк” тизилүү акциясы даярдалсын жана  өткөрүлсүн.
2. Бишкек шаарынын мэриясы менен бирдикте Бишкек шаардык кеңеши жылына элдин эркиндиги үчүн жанын берген баатырларды эскерүү менен “Бессмертный полк” тизилүү акциясын уюштурсун.
3. Бишкек шаарынын мэриясы:

-Кыргыз Республикасынын мыйзамы тарабынан белгиленген тартипте 2015-жылга Бишкек шаарынын бюджетинде 1941-1945-жылдарда Улуу Ата Мекендик согуштагы Жеңиштин 70 жылдыгын майрамдоого даярданууга жана өткөрүүгө керектүү каражаттарды карасын.

4. Кыргыз Республикасынын“Согуштун, Куралдуу Күчтөрдүн ардагерлери жана оруктагы эмгекчилер жөнүндө”  мыйзамына ылайык төмөнкүлөр сунушталсын:

а) Бишкек  шаарынын   мэриясынын    райондук   администрациялары  (А. С. Омурбекова, А. Т. Алиев, Б. К. Алымкулов, Аскар уулу Мирлан) муниципалдык аймактык башкаруулар менен бирдикте Бишкек шаарынын элинин арасында  “Бессмертный полк” тизилүү акциясын, 1941-1945-жылдарда Улуу Ата Мекендик согушта Жеңиштин 70 жылдыгына даярдануу жана  майрамдоо жөнүндө түшүндүрүү боюнча ишти белгиленген тартипте жүргүзсүн;

б) Бишкек шаарынын мэриясынын билим берүү башкармалыгы (Мейрманова С. Ж.)  Бишкек шаарынын мектептеринде 1941-1945-жылдарда Улуу Ата Мекендик согуштагы Жеңиштин 70 жылдыгына арналган сабактарды өткөрүүнү белгиленген тартипте уюштурсун, ошондой эле “Тимурчулар кыймылын” жандандыруу боюнча ишти жүргүзсүн.

в) Бишкек шаарынын саламаттык сактоо департаменти (Мурзалиев А. Дж.) 1941-1945-жылдарда Улуу Ата Мекендик согуштун ардагерлерине, майыптарына жана катышуучуларына  белгиленген тартипте көмөк көрсөтсүн (диспансердик текшерилүү, кошумча дары-дармектер жана диагностикалык текшерилүү).

г) Бишкек шаарынын мэриясынын социалдык өнүгүү башкармалыгы (Абылаев З. А.) Улуу Ата Мекендик согуштун ардагерлерине, майыптарына жана катышуучуларына   үйгө жана стационардык социалдык мекемелерде даректүү социалдык тейлөөнү белгиленген тартипте камсыз кылсын;

 д) “Тазалык” муниципалдык ишканасы (Сарпашев Р. А.) 1941-1945-жылдарда Улуу Ата Мекендик согуштагы Жеңиш жөнүндө эскерүүнү түбөлүккө калтыруучу эстеликтерди жана Баатырлар аллеясын калыбына келтирүү жана реконструкциялоо боюнча ишти жүргүзсүн. 2015-жылдын 1-апрелине чейин маалымат берсин.

5. Бул токтом жалпыга маалымдоо каражаттарына жарыялансын.

6. Бул токтомдун аткарылышын контролдоо Бишкек шаардык кеңештин төрагасына (Аманкулов М. А.) жана Бишкек шаарынын мэрине (Кулматов К. К.) жүктөлсүн.

Бишкек шаардык

кеңештин төрагасы                                           М. А. Аманкулов

Бишкек ш.,

3-март 2015-жыл, № 113   

БИШКЕК ШААРДЫК КЕҢЕШТИН ТОКТОМУ

Бишкек шаардык кеңештин 2012-жылдын

12-июнундагы № 316 “Бишкек шаарынын

жарды жана жеңилдик алууга укугу бар

тургундарын  социалдык колдоо жөнүндө”

токтому менен бекитилген “Бишкек шаарынын

жарды жана жеңилдик алууга укугу бар

тургундарына даректүү социалдык жардам берүү

тартиби жөнүндө”  жобого өзгөртүүлөрдү жана

толуктоолорду киргизүү жөнүндө

         Бишкек шаардык кеңештин депутаттарынын демилгеси боюнча, Улуу Ата Мекендик Согуш жылдары оруктагы күжүрмөн эмгеги жана каармандык менен өтөгөн  аскердик кызматы үчүн ордендер жана медалдар менен сыйланган Улуу Ата Мекендик Согуштун ардагерлеринин, оруктун эмгекчилеринин жашоо деңгээлин жакшыртуу максатында жана 1941-1945- жылдардагы Улуу Ата Мекендик Согуштагы  Жеңиштин 70 жылдыгын майрамдоого карата, Бишкек шаардык кеңеш

ТОКТОМ КЫЛАТ:

         1. Бишкек шаардык кеңештин 2012-жылдын 12-июнундагы № 316            “Бишкек шаарынын жарды жана жеңилдик алууга укугу бар тургундарын  социалдык колдоо жөнүндө” токтому менен бекитилген “Бишкек шаарынын жарды жана  жеңилдик алууга укугу бар тургундарына даректүү социалдык жардам берүү тартиби жөнүндө” жобого төмөндөгүдөй өзгөртүүлөр жана толуктоолор киргизилсин:

         - III бөлүмдүн 13-пункту төмөндөгү мазмунда “г” кичи пункту менен толукталсын: “Улуу Ата Мекендик согуштун катышуучуларына, Улуу Ата Мекендик согуш жылдарында орукта жан аябай кылган эмгеги жана кынтыксыз аскердик кызматы үчүн СССРдин орден, медалдары менен сыйлангандарга, 1941-жылдын 8-сентябрынан тартып 1944-жылдын 27-январына чейинки блокада мезгилинде Ленинград шаарынын ишканаларында, мекемелеринде иштеп, "За оборону Ленинграда" медалы, "Жителю блокадного Ленинграда" белгиси менен сыйлангандарга, Улуу Ата мекендик согуш жылдарында жумушчу колонналарга (эмгек армиясына) күч менен мобилизацияланган жана кийин акталган граждандарга, экинчи дүйнөлүк согуштун мезгилинде фашисттер жана алардын союздаштары тарабынан түзүлгөн концлагерлерде, геттолордо жана башка мажбурлап кармоо жайларында болгон мурдагы жашы жете элек туткунда болгондорго,Улуу Ата Мекендик согушта каза болгон катышуучулардын үй-бүлөлөрүнө - 2015-жылдын 1-майынан тартып ай сайын - 1000 сом (өмүр бою);

- IIIбөлүмдүн 14-пунктунун “в” кичи пункту алынсын.

         2.  Бишкек шаарынын мэриясы  (К. К. Кулматов) 2015-жылга  шаардын бюджетинин долбоорун  киргизүүдө   бул токтомду ишке ашыруу боюнча  финансылык каражаттарды Кыргыз Республикасынын  колдонуудагы мыйзамдарына ылайык  карасын.

         3.  Ушул токтом  каттоодон өткөрүлсүн жана  Кыргыз Республикасынын  ченемдик-укуктук актыларынын мамлекеттик реестрине  киргизүү үчүн  Кыргыз Республикасынын  Юстиция министрлигине жөнөтүлсүн.

         4. Ушул токтомдун аткарылышын контролдоо  Бишкек шаардык кеңештин социалдык маселелер боюнча  туруктуу комиссиясына (А. Т. Сариев), Бишкек шаарынын  биринчи вице-мэри  З.Т.Малабековго жана Бишкек шаарынын  вице-мэри  А. М. Рыскуловага жүктөлсүн.

Бишкек шаардык

кенештин төрагасы                                                  М. А. Аманкулов

Бишкек ш.,

29-апрель 2015-жыл, №115

БИШКЕК ШААРДЫК КЕҢЕШТИН

ТОКТОМУ

“Бишкек шаарынын мэриясынын муниципалдык

менчик башкармалыгынын иши жөнүндө”  маселени

талдап чыгуу боюнча жумушчу комиссиянын  ишинин

жыйынтыктары жөнүндө

         2014-жылдын 12 айы үчүн Бишкек шаарынын мэриясынын муниципалдык менчик башкармалыгынын отчётун, ошондой эле,  “Бишкек шаарынын мэриясынын муниципалдык менчик башкармалыгынын иши жөнүндө”  маселени талдап чыгуу боюнча Бишкек шаардык кеңештин жумушчу комиссиянын  маалыматын угуп жана талкуулап чыгып, Бишкек шаардык кеңеш

ТОКТОМ КЫЛАТ:

1.                Жумушчу комиссиянын бул маселе боюнча маалымкаты жана корутундусу эске алынсын (тиркелет).

2.                Бишкек шаарынын мэриясынын муниципалдык менчик башкармалыгынын (мындан ары - Бишкек шаарынын мэриясынын ММБсы) иши канааттандыраарлык эмес деп табылсын.

3.           Бишкек шаарынын мэри тарабынан жана Бишкек шаарынын ММБсынын ишине контролдун толук жоктугу белгиленсин.

4.           Бишкек шаарынын мэриясы (К. К. Кулматов):

а)  7 жумуш күндүн ичинде токтоосуз Бишкек шаардык кеңеш менен бирдикте тийиштүү аймактык мамлекеттик органдарды жана көз карандысыз эксперттерди тартуу менен Бишкек шаарынын жергиликтүү өз алдынча башкаруусунун муниципалдык мүлкүн  башкаруу тутумун реформалоо боюнча комплекстүү сунуштарды иштеп чыгуу үчүн жумушчу топ түзсүн.

б) Бишкек шаардык кеңештин сессиясынын кароосуна кийин киргизүү жана бекитүү менен муниципалдык менчикте турган бардык объекттерди, анын ичинде жер участокторду инвентаризациялоо, ошондой эле маалыматтардын бирдиктүү кодификацияланган электрондук базаны түзүү боюнча ишти тездетсин.

Инвентаризациялоону өткөрүү жана реестрди даярдоо үчүн жеке жоопкерчилик белгиленсин.

в) “ИДИС-Аудит-Консалтинг” ЖЧКсынан эксперттердин Бишкек шаарынын мэриясынын муниципалдык менчик башкармалыгында тийиштүү бухгалтердик учётту, финансылык отчёттуулукту, түзүмдүк бөлүмдөрдүн ички учётту, контролду жана отчёттуулукту уюштуруу жана камсыздоо, ошондой эле иш-кагаздарды  жана документ айланууну тийиштүү жүргүзүү боюнча, ал эми ченемдик база боюнча Бишкек шаардык кеңештин депутаты - К. К. Конгантиевдин  эскертүүлөрүн жана сунуштарын эске алуу менен, токтоосуз чара көрсүн;

г) Бишкек шаарынын мэриясынын ММБсын реорганизациялоо  боюнча иш-чаралар планын иштеп чыксын;

д) Кыргыз Республикасынын мыйзамынын табылган тартип бузуулары боюнча Бишкек шаарынын мэриясынын ММБсынын кызматтык жактарынын жоопкерчилиги жөнүндө маселени карап чыксын;

е)   Кыргыз Республикасынын Мамлекеттик кадр кызматы менен бирдикте төмөнкү административдик-техникалык персоналдарга (АТП): Бишкек шаарынын мэриясынын ММБсынын башкы бухгалтери - Д. К. Мунайтпасовага муниципалдык кызматтын 3-класстагы кеңешчиси класстык чининин ыйгарылуусунун жана Бишкек шаарынын мэриясынын ММБсынын бухгалтери-Г. А. Сармановага муниципалдык кызматтын 1-класстагы инспектору класстык чининин ыйгарылуусунун негиздүүлүгүн талдап чыксын жана баа берсин жана мыйзам тарабынан белгиленген тартипте чара көрсүн;

ж) 2015-жылдын 1-сентябрына чейин Бишкек шаарынын билим берүү жана саламаттык сактоо тутумунун муниципалдык уюмдарына жанаша жаткан жер участокторго мамлекеттик актыларды даярдоону жана берүүнү аяктасын.

Жогоруда көрсөтүлгөн иш-чараларды ишке ашырууга каражаттарды карасын.

  Бишкекбашкыархитектураны, Жерге жайгаштыруу жана кыймылсыз мүлккө укуктарды каттоо боюнча Бишкек шаардык башкармалыкты жана Кыргыз Республикасынын мамлекеттик архивин бул ишти жүргүзүүдө көмөк көрсөтүүнү өтүнсүн.

з)  15 күндүк мөөнөттө Бишкек шаарынын муниципалдык менчигинде турган негизги каражаттарды эсептен чыгаруу боюнча Бишкек шаарынын ММБсынын,  билим берүү жана саламаттык сактоо тутумунун жооптуу кызматкерлеринен жана макулдашуу боюнча Бишкек шаардык кеңештин депутаттарынан жумушчу комиссия түзсүн;

и) Бишкек шаардык кеңештин 2010-жылдын 20-февралындагы №153 “Бишкек шаарынын муниципалдык менчигинде турган негизги каражаттарды эсептен чыгаруу  тартиби жөнүндө” жобону бекитүү жөнүндө”  Бишкек шаардык кеңештин токтомуна өзгөртүү киргизүү жөнүндө” токтомунун долбоорун Бишкек шаардык кеңешке киргизсин.

Бир айлык мөөнөттө  көрүлгөн чаралар жөнүндө  Бишкек шаардык кеңешке маалымдасын.

5.                Болгон материалдар жөнөтүлсүн:

а) талдап чыгуу жана сунуштарды берүү үчүн Кыргыз Республикасынын Коргонуу кеңешине;

б) юридикалык  баа берүү үчүн Кыргыз Республикасынын укук коргоо органдарына жана Кыргыз Республикасынын Башкы прокуратурасына.

6.                Бул токтомдун аткарылышын контролдоо Бишкек шаардык кеңештин төрагасына (М. А. Аманкулов)  жана  Бишкек  шаарынын   мэрине (К. К. Кулматов) жүктөлсүн.

Бишкек шаардык

кеңештин төрагасы                                                  М. А. Аманкулов

Бишкек ш.,

2-март  2015-жыл,  № 110