Шрифттин өлчөмү
Аралык
Сүрөттөр
 
 

Бишкек шаардык кеңештин

ТОКТОМУ

2015-жылга Бишкек шаарынын

бюджетин бекитүү жана 2016-2017-

жылдарга болжолу жөнүндө

         Кыргыз Республикасынын 1998-жылдын 11-июнундагы №78 “Кыргыз Республикасында бюджеттик укуктун негизги принциптери жөнүндө” мыйзамын жетекчиликке алып, Бишкек шаардык кеңеш

ТОКТОМ КЫЛАТ:

         1. 2015-жылга карата кирешелер жана чыгашалар  боюнча Бишкек шаарынын бюджети 7 681 292,7 миң сом суммада бекитилсин, анын ичинде:

         -  4 970 047,0 миң сом       -  шаардык бюджет;

         -  678 005,7 миң сом           -  Ленин районунун бюджети;

         -  699 534,2 миң сом           -  Октябрь районунун бюджети;

         -  621 626,3 миң сом           -  Биринчи май районунун бюджети;

         -  712 079,5 миң сом           -  Свердлов районунун бюджети.

         2. 2016-2017-жылдарга карата Бишкек шаарынын бюджетинин негизги  параметрлеринин болжолу жактырылсын:

         1) кирешелер жана чыгашалар боюнча болжол 2016-жылга карата  -  8 368 120,5 миң сом суммасында, 2017-жылга карата – 9 108 515,4 миң сом суммасында.

2) 2016-2017-жылдарга карата жактырылган шаардын бюджетинин  болжолдук параметрлери  ар бир конкреттүү мезгилде аларды кабыл алууда  такталууга тийиш.

            3. Бишкек шаарынын 2015-жылга карата бюджетинин киреше бөлүгү жана 2016-2017-жылдарга карата болжолу 1, 1-1, 1-2, 1-3- тиркемелерге ылайык булактар боюнча түшүүлөрдүн эсебинен түзүлө тургандыгы аныкталсын.

4. 2015-жылга карата шаардын бюджетинин жана 2016-2017-жылдарга карата болжолунун чыгашаларын каржылоого карата каражаттар 2, 2-1- тиркемелерге ылайык белгиленсин.

            5. 2015-жылга карата чыгашаларды каржылоо накталай алынган кирешелердин чегинде жүргүзүлө тургандыгы белгиленсин. Мында, биринчи кезекте корголгон статьялар боюнча чыгашаларды (эмгек акы, Кыргыз Республикасынын Социалдык фондусуна төгүмдөр, медикаменттер, тамактандыруу, калкка социалдык жардам боюнча жөлөк пул, стипендиялар)  жана коммуналдык кызмат көрсөтүүлөрдү каржылоо жүргүзүлөт.

         1) Чыгашалардын корголгон статьялары бюджеттик мекемелердин штаттык санындагы бош орундарга жана ченемдик укуктук актыларды кабыл алууга байланыштуу азайтылышы мүмкүн.

         2) Каражаттардын чыгымдалышы жана чыгашалардын статьяларынын  максаттуу пайдаланылышы үчүн жоопкерчилик бюджеттик мекемелердин жана  муниципалдык ишканалардын жетекчилерине жүктөлөт.

         6. 2014-жылы жеткиликтүү каржыланбай калган чыгашалар2015-жылга карата бюджетте каралган ассигнованиелердин эсебинен жана анын чегинде гана компенсациялана тургандыгы белгиленсин.

            7. Бишкек шаары боюнча жүгүртүүдөгү кассалык накталай акча 2015-жылдын 1-январына карата 600,0 миң сом суммасында бекитилсин, анын ичинде шаардык бюджет боюнча 200,0 миң сом жана райондук бюджеттер боюнча 100,0 миң сомдон суммада бекитилсин.

            8. 2015-жылга карата салык агентти тарабынан төлөнүүчү жеке киреше салыгы, жер астындагы кендерди пайдалангандык үчүн салык (роялти),  сатуудан алынган салык, патенттин негизиндеги салык, бирдиктүү салык, мүлк обьекттерине карата салык, жер салыгы, таштандыларды ташып чыгаруу үчүн жыйымдар боюнча пландык түшүүлөрдөн чегерүүлөрдүн төмөндөгүдөй ченемдери бекитилсин:

            -  Ленин районуна - 25,8%;  

          -  Октябрь районуна - 33,6%;        

         -  Биринчи май районуна - 13,1%;

         -  Свердлов районуна - 28,4%;

            - юстиция органдары тарабынан алынган мамлекеттик алымдар, администрациялык укук бузуулар үчүн мамлекеттик органдар тарабынан салынган айып акылар, ар кандай салыктар жана чогултуулар, жер жана мүлктү ижаралоо үчүн акы төлөө, Бишкек шаарынын ЭЭАсынан алынган салык жана салыктык эмес түшүүлөр - 100% шаардык бюджетке.

            9.Бюджеттик уюмдардын атайын каражаттардын сметаларында бекитилген суммадан ашык түшүүчү кирешелери толук бойдон тийиштүү бюджеттин кирешесине алынат.

10. Бюджеттик уюмдарга жана мекемелерге атайын каражаттарды казначылык системасынан тышкары пайдаланууга тыюу салынсын. Бул көрсөтүлгөн тартип бузулган учурда атайын каражаттардын 100% тийиштүү бюджеттин кирешесине алынат.

11. Бюджеттик уюмдар жана муниципалдык ишканалар тарабынан максаттык дайындалышынан башкага пайдаланылган шаардын бюджетинин каражаттары тийиштүү бюджеттерге кайтарып алынууга жатат.

12.    Шаардын бюджетинен каржыланган мекемелер үчүн 2015-жылга карата төмөндөгүлөр белгиленсин:

         1) жалпы билим берүү мектептеринин чарба башчыларынын эмгек акыларына окуучулардын санына жараша 1 штаттык бирдикке  ай сайын 2800 сомго чейинки үстөк акы (100 окуучуга чейин – 450 сом, 100 дөн 600 чейин -1000 сом, 600дөн 1200 чейин – 1600 сом, 1200дөн 1800 чейин – 2200 сом, 1800дөн жогору – 2800 сом);

         2) балдар музыкалык мектебинин жаш адистерине ай сайын 500 сом  үстөк акы;

            3) карылар үйүнүн, мүмкүнчүлүгү чектелген адамдар үчүн шаардык реабилитациялык борборунун, “Коломто” муниципалдык мекемесинин жана “Ардагер” пансионунун, Зомбулуктан жана катаал мамиледен жабыркаган балдарга жардам көрсөтүү борборунун кызматкерлерине ай сайын 1 кызматкерге 1650 сом эсебинде эмгек акысына үстөк акы;

            4) Бишкек шаарынын мэриясынын социалдык өнүктүрүү башкармалыгынын социалдык кызматкерлеринин эмгек акыларына ай сайын 1 кызматкерге 2000 сом эсебинде үстөк акы;

            5) Бишкек шаарынын мэриясынын маданият жана туризм башкармалыгынын үйлөмө аспап, симфониялык оркестрлеринин, элдик аспаптар оркестринин, “Семетей”, “Доор”, “Сувенир” ансамблдеринин жана “Кыргыз руху” фольклордук ансамблинин, “Акак” комузчулар ансамблинин кызматкерлерине жана Бишкек шаардык драмтеатрынын негизги жана инженердик-техникалык персоналынын айлык акыларына ай сайын 1 кызматкерге 2500 сом эсебинде үстөк акы;

            6) билим берүү жана маданият мекемелеринин борборлоштурулган бухгалтерияларынын кызматкерлерине эмгек акыларына ай сайын 2000 сомдон үстөк акы;

            7) шаардык маанидеги жергиликтүү өз алдынча башкаруу органдарынын кызматкерлеринин эмгек акыларына ай сайын төмөндөгүдөй үстөк акы:

            - мэриянын, шаардык кеңештин жетекчилерине 1000 сомдон;

            - шаардык каржы башкармалыгынын, Бишкек шаары боюнча казыначылыктын регионалдык бөлүмүнүн жетекчилерине 2750 сомдон;

            - шаардык каржы башкармалыгынын, Бишкек шаары боюнча казыначылыктын регионалдык бөлүмүнүн, Бишкек шаары боюнча МСКБнын жергиликтүү салыктар жана жыйымдар боюнча бөлүмүнүн, Бишкек шаардык мамлекеттик архивдин, Материалдарды сактоо кызматынын кызматкерлерине 2000 сомдон;

             - шаардык бюджеттен каржыланган түзүмдүк бөлүмдөрдүн жетекчилерине жана кызматкерлерине, мэриянын, шаардык кеңештин башка кызматкерлерине, башкаруу органын тейлеген айдоочуларына 4000 сомдон;

         - муниципалдык аймактык башкармалыктардын кызматкерлерине 3000 сомдон;

            8) райондук маанидеги жергиликтүү өз алдынча башкаруу органдарынын кызматкерлеринин эмгек акыларына ай сайын төмөндөгүдөй үстөк акы төлөнсүн:

         - административдик райондордун жетекчилерине 1000 сомдон;

         - райондук билим берүү борборлорунун, райондук социалдык өнүктүрүү башкармалыктарынын аппараттарынын кызматкерлерине жана администрациялардын башка кызматкерлерине 3000 сомдон;

         - каржы органдарынын, казыначылыктын регионалдык бөлүмдөрүнүн, МСКБнын жергиликтүү салыктар жана жыйымдар боюнча бөлүмдөрүнүн жетекчилерине жана кызматкерлерине 1500 сомдон;

            9) райондук аскер комиссариаттарынын кенже тейлөөчү, техникалык жана аскердик-учеттук персоналдарынын эмгек акыларына ай сайын 500 сомдон үстөк акы;

            10) билим берүү, социалдык коргоо, маданият, спорт уюмдарынын кызматкерлеринин жана Бишкек шаарынын мэриясынын базарлар, автотоктотмолор жана авто коюу жайлар дирекциясынын кенже тейлөө персоналдарына 1 кызматкерге 1000 сомдон эсебинде ай сайын үстөк акы;

            11) саламаттык сактоо уюмдарынын кызматкерлеринин эмгек акыларына ай сайын төмөндөгүдөй үстөк акы:

            - врачтарга, орто жана башка персоналдарга 1 ставкага 1000 сом эсебинде, бирок бир кызматкерге 1000 сомдон ашпаган суммада;

         - кенже медициналык персоналга бир ставкага 1500 сом эсебинде, бирок бир кызматкерге 1500 сомдон ашпаган суммада;

         - 2015-жылдын 1-майынан тартып медициналык тез жардам станциясынын сутка бою иштеген оперативдүү бѳлүмүнүн кызматкерлерине, врачтарына, фельдшерлерине жана чакырууга чыгуу бригадасынын санитарларына 1 кызматкерге 2500 сом эсебинде;

            12) Билим берүү башкармалыгынын медициналык-педагогдук комиссияларынын методисттерине 1 кызматкерге 1500 сом эсебинде ай сайын үстөк акы;

         13) медициналык тез жардам автомашиналарынын айдоочуларынын эмгек акыларына 1 кызматкерге 2000 сом эсебинде ай сайын үстөк акы.

            13. Жергиликтүү бюджеттин эсебинен тамактандырууга карата төмөндөгү ченемдер белгиленсин:

            1) мектепке чейинки билим берүү уюмдарында:

         - 3 жашка чейинки балдар үчүн - 29,00 сом;

         - 3 төн 7 жашка чейинки балдар үчүн - 30,00 сом;

         2) акыл-эс жана дене-бой өсүшүндө кемчиликтери бар балдар үчүн мектепке чейинки билим берүү уюмдарында - 57,00 сом;

         3) кургак учук менен ооруган балдар үчүн бала бакчада - 95,00 сом;

         4) жалпы билим берүү уюмдарында 5-7-класстардагы жетим балдар жана аз камсыз болгон үй-бүлөнүн балдары үчүн - 14,00 сом;

         5) жалпы билим берүү уюмдарында 1-4-класстардын балдары үчүн - 14,00 сом;

         6) акыл-эс жана дене-бой өсүшүндө кемчиликтери бар балдар үчүн жалпы билим берүү мектептеринде - 14,00 сом;

         7) Балдардын социалдык адаптациялоо борборунда, Кароосуз балдарды реабилитациялоо борборунда, Свердлов районунун кароосуз балдар үчүн приютунда жана Октябрь районунун №71 орто мектеп интернатында интернаттык топтордо - 110,00 сом;

         8) №1 гимназия-интернатында - 110 сом;

         9) адистештирилген балдар үйүндө - 105,00 сом;

         10) Шаардык перинаталдык борбордун жаңы төрөлгөндөр үчүн бөлүмүндө - 15 тен 25,00 сомго чейин;

         11) шаардык медициналык тез жардам балдар клиникалык ооруканасынын жаңы төрөлгөн балдардын патология бөлүмүндө бала эмизген энелер жана 1 жашка чейинки балдар үчүн - 30,00 сомдон;

         12) шаардын стационардык уюмдарында - 60,00 сом;

         13) стационардык кургак учукка каршы мекемелерде - 105,00 сом;

         14) ден-соолугунун мүмкүнчүлүгү чектелген жактар үчүн шаардык реабилитациялоо борборунда - 35,00 сом;

         15) жатып калган оорулууларды ысык тамактандыруу үчүн - 60,00 сом;

         16) туруктуу жашаган орду жок жактарды тамактандырууга - 35,00 сом;

         17) мектеп алдындагы лагерлердеги аз камсыз болгон үй-бүлөлөрдүн балдарын тамактандырууга - 44,00 сом.

            14. Жергиликтүү бюджеттин эсебинен алынуучу медикаменттерге карата төмөндөгүдөй бир күндүк ченемдер белгиленсин:

1) стационардык кургак учукка каршы мекемелерде 45,00 сомго чейин;

2) №1 жана №2 балдардын кургак учук мекемелеринде 35,00 сомго чейин;

         3) Кургак учукка каршы күрөшүү борборунда 6,00 сомго чейин;

            4) Бишкектеги травматалогия жана ортопедия илимий изилдөө борборунун хирургия жана травматология бөлүмүндө 14,00 сомго чейин;

            5) стационардык уюмдарда бир орун үчүн:

         - терапевтикалык профилде 5,00 сомго чейин;

         - хирургиялык, реанимациялыктарда 10,00 сомго чейин;

         - гинекологиялык профилде 5,00 сомго чейин;

6) адистештирилген балдар үйүндө 8,00 сомго чейин;

7) шаардык медициналык тез жардам балдар клиникалык ооруканасынын жана Медициналык - консультациялык кызматтар жана спорттук медицина борборунун травматологиялык пункттарында бир врачтык катышуучуга (мындан ары – 1 в/к) 6,00 сомго чейин;

8) Студенттер бейтапканасында 1 в/к 1,50 сомго чейин;

9) Медициналык - консультациялык  кызматтар жана спорттук медицина  борборунун спорттук медицина бөлүмүндө 1 в/к 5,00 сомго чейин;

10) Шаардык эндокринологиялык диспансерде 1 в/к 3,00 сомго чейин;

11) Үй-бүлөлүк медицина борборунда 1в/к 0,25 сомго чейин;

         12) Медициналык тез жардам станциясында бир чакырууга 20,00 сом;

            13) стоматологиялык бейтапканаларда бир шарттуу эмгек бирдигине (шэб) 0,50 сом;

14) стоматологиялык бейтапканаларга караштуу балдар ортодонтия бөлүмүндө 1 в/к 4,00 сомго чейин;

15) Балдардын социалдык адаптациялоо борборунда, Кароосуз балдарды реабилитациялоо борборунда, Свердлов районунун кароосуз балдар үчүн приютунда 2,00 сомго чейин;

16) ден-соолугунун мүмкүнчүлүгү чектелген жактар үчүн шаардык реабилитациялык борборунда 0,55 сомго чейин;

17) туруктуу жашаган орду жок жактар үчүн мекемелерде 6,50 сомго чейин.

15.2015-жылга карата жарандардын турак жай–коммуналдык кызматтарга акы төлөөгө карата өздүк чыгымынын жол берилген эң четки үлүшү 10% өлчөмүндө белгиленсин.

16. 2015-жылга карата төмөндөгү чыгашалар бекитилсин:

1) мектепке чейинки балдар уюмдарында кыргыз тил мугалиминин бир ставкасын күтүүгө;

2) жалпы билим берүү уюмдарында башталгыч аскердик даярдык боюнча жетекчинин бир ставкасын күтүүгө;

            3) Медициналык тез жардам станциясында үч жыл иштегендиги боюнча “медициналык кызматкердин депозитине” карата 40,0 штаттык бирдигине бир врачка айына 6000 сом эсебинде жана бир орто медициналык кызматкерге ай сайын 5000 сом;

         4) Биринчи май районунун “Коломто” муниципалдык мекемесин күтүүгө;

         5) Ленин, Октябрь жана Свердлов райондору боюнча 3 кечки жалпы билим берүү мектебин күтүүгө;

            6) SOS – Герман Гмайнер орто мектебинин, SOS – Бишкек шаарынын балдар айылы бала бакчасынын чыгымдарын төлөөгө;

            7) менчик – мамлекеттик еврей мектебинин коммуналдык кызматтары үчүн чыгымдарын төлөөгө;

         8) “Сезим” кризистик борборунун коммуналдык кызматтары үчүн  чыгымдарын төлөөгө;

            9) Бишкек шаарынын Согуштун, эмгектин, Куралдуу Күчтөрдүн жана укук оргоо органдарынын ардагерлер кеңешинин чыгымдарын төлөөгө;

            10) Зомбулуктан жана катаал мамиледен жабыркаган балдарга жардам көрсөтүү борборун күтүүгө карата;

            11) Кыргыз Республикасынын Өкмөтүнүн 1995-жылдын 30-сентябрындагы № 404 “Билим берүү мекемелеринин болжолдуу типтүү штаттарын бекитүү жөнүндө” токтому менен бекитилген билим берүү мекемелеринин типтүү штаттарында каралбаган, 3-тиркемеге ылайык 511,05 санындагы штаттык бирдик кызматтарды күтүүгө;

            12) анык аскердик кызматка чакыруу жана жөнөтүү мезгилинде Республикалык топтоо пунктунун ишин камсыздоого;

            13) Бишкек шаарын жана жергиликтүү коомчулукту өнүктүрүүгө, ошондой эле шаардык жана аймактык маанидеги обьекттерди (социалдык, коомдук, коммуналдык, инженердик инфраструктарлар,  тургундардын жалпы үлүштүк менчиктерин)  түзүүгө, өнүктүрүүгө, калыбына келтирүүгө жана реабилитациялоого жана жамааттардын өз алдынча башкаруусунун ар түрдүү формаларын өнүктүрүүгө, алардын коомдук активдүүлүгүн жогорулатууга жана коммуналдык жана башка жашоо тиричилик маселелерин өз алдынча чечүүгө жөндөмдүү мүмкүнчүлүктөрүн түзүүгө колдоо көрсөтүүгө багытталган стимулдаштыруучу (үлүштүк) гранттарды берүүгө;

         14) 2015-жылдын 1-февралына чейин Бишкек шаардык кеңештин фракцияларынын консультанттарын күтүүгө;

         15) Бишкек шаарынын билим берүү мекемелеринде “Жаш мугалим депозити” программасын ишке ашырууга.

            17. Кварталдык, үй комитеттеринин, аксакалдар сотунун төрагалары, үй алдындагы аймакты тазалоочулар жана ирригация тармактарынын мурап-техниктери үчүн келишимдик негизде № 4 тиркемеге ылайык акы төлөө белгиленсин.

            18. Аксакалдар сотунун мүчөлөрүнө келишимдик негизде квартал сайын 250 сомдон акы төлөө белгиленсин.

            19. “Алга-Бишкек” Футбол клубу” муниципалдык мекемесинин кызматкерлерине 5-тиркемеге ылайык кызматтык эмгек акылары белгиленсин.

            20. “Алга-Бишкек” Футбол клубу” муниципалдык мекемесинин футболчуларына ай сайын 10 000 сом өлчөмүндө стипендия белгиленсин.

            21. Кызматкерлерге иштеген жылдары үчүн үстөк акы эсептөөдө жергиликтүү бюджеттин эсебинен бекитилген кошумча акылар эсепке алынбастыгы белгиленсин.

            22. 2014-жылы чыгашалардан ашкан кирешенин эсебинен түшкөн  17 747,3 миң сом сумманы 6-тиркемеге ылайык багыттоого уруксат берилсин.

23. 2015-жылга жергиликтүү бюджеттин каражаттарынан капиталдык салымдардын тизмеги 7-тиркемеге ылайык бекитилсин.

24. Кыргыз Республикасынын колдонуудагы мыйзамдарына ылайык, аппараттардын, өз алдынча бөлүмдөрдүн жана башка мекемелердин кызматкерлерине жергиликтүү бюджеттин эсебинен кызматтык эмгек акыларын жана аларга үстөк акыларды белгилөө жана сыйлык акы берүү укугу Бишкек шаарынын мэринде сакталсын.

            25. Бишкек шаарынын мэриясына:

            а) шаардын бюджетине кошумча каражаттарды тартуу үчүн зарылдыкка жараша, Кыргыз Республикасынын Өкмөтүнүн 2008-жылдын 10-ноябрындагы №618 токтому менен бекитилген “Кыргыз Республикасында муниципалдык баалуу кагаздарды чыгаруунун, жайгаштыруунун, жүгүртүүнүн жана тындыруунун тартиби жөнүндө Жобого” ылайык муниципалдык баалуу кагаздарды чыгарууну жүргүзүүгө уруксат берилсин;

         б) Кыргыз Республикасынын мыйзамына ылайык, Бишкек шаарынын түзүмдүк жана аймактык бөлүмчөлөрүнүн жөнгө салуучу документтерин иштеп чыксын жана Бишкек шаардык кеңештин сессиясынын бекитүүсүнө киргизсин;

в) Кыргыз Республикасынын мыйзамы тарабынан бекитилген баланстык формалар боюнча баланстык активдерди баланс боюнча кабыл алуу үчүн Бишкек шаарынын баланстык комиссиясы түзүлсүн. Комиссиянын ишинин жыйынтыгы боюнча Бишкек шаардык кеңештин бюджет жана финансы боюнча туруктуу комиссиясына маалымат берсин;

г) Кыргыз Республикасынын “Бюджеттик укуктун негизги принциптери жөнүндө” мыйзамына ылайык 2016-2018-жылдарга Бишкек шаарынын киреше бөлүгүнүн долбоорун макулдашуу үчүн 2015-жылдын 1-июлуна чейин Бишкек шаардык кеңештин сессиясынын кароосуна киргизсин;

д) Бишкек шаардык мамлекеттик архивин каржылоону республикалык бюджетке өткөрүп берүү маселеси боюнча ишти жүргүзсүн;

е) Бишкек шаарынын мэриясынын саламаттык сактоо департаментинин жана Милдеттүү медициналык камсыздандыруу фондунун Бишкек аймактык башкармалыгынын тутумунда саламаттык сактоо мекемелеринин ортосунда каражаттарды бирдей бөлүштүрүүнү камсыздоо боюнча ишти жүргүзсүн;

ж) иш-чаралар планын, ишкананын өндүрүштүк программасын жана жөнгө салуучу документтерди кийин бекитүү менен “Суу чарба” участогун өзүнчө түзүм катары “Бишкек шаарынын Жашыл курулуш” муниципалдык ишканасынын курамынан чыгаруу боюнча ишти жүргүзсүн;

з) түзүмдүк бөлүмчөлөрдү жоюунун жана реорганизациялоонун жүрүшүндө бошотулган муниципалдык имараттарды жана жайларды которуштурууну Бишкек шаардык кеңештин макулдугу менен жүргүзсүн.

            26. Бул токтомдун аткарылышын контролдоо Бишкек шаардык кеңештин төрагасы М. А. Аманкуловго жана Бишкек шаарынын мэри К. К. Кулматовго жүктөлсүн.

Бишкек шаардык

кеңештин төрагасы                                                            М. А. Аманкулов

Бишкек ш.,

29-апрель 2015-жыл, № 118 

Тиркемелер

 

  

БИШКЕК ШААРДЫК КЕҢЕШТИН

ТОКТОМУ

 

 

Бишкек шаарынын административдик

райондорун башкаруу тартибин бекитүү

жөнүндө

         Кыргыз Республикасынын “Борбор шаардын статусу жөнүндө” мыйзамына ылайык, Бишкек шаардык кеңеш

ТОКТОМ КЫЛАТ:

  1. Бишкек шаарынын административдик райондорун башкаруу тартиби тиркемеге ылайык бекитилсин.

 

2. Бишкек шаарынын мэриясы (Кулматов К. К.) төмөнкүлөрдү иштеп чыксын жана Бишкек шаардык кеңештин сессиясынын  кароосуна киргизсин:

Бишкек шаарынын административдик райондору жөнүндө жобону;

Кыргыз Республикасынын мыйзамына ылайык жалпы талаптары жана эрежелери менен муниципалдык тапшырык жөнүндө бирдиктүү жобону.

3. Ушул токтом каттоодон  өткөрүлсүн жана Кыргыз Республикасынын укуктук ченемдик актыларынын мамлекеттик реестрине киргизүү үчүн Кыргыз Республикасынын юстиция министрлигине жөнөтүлсүн.

4. Ушул токтомдун аткарылышын контролдоо Бишкек шаардык кеңештин жергиликтүү өз алдынча башкаруу жана коомдук уюмдар менен иштөө боюнча туруктуу комиссиясына (Н. А. Айсаев) жана Бишкек шаарынын мэриясынын биринчи вице-мэрине (З. Т. Малабеков) жүктөлсүн.

Төрага                                                                        М. А. Аманкулов

Бишкек ш.,

20-май 2015-жыл,  № 127 

                      Бишкек шаардык кеңештин

          2015-жылдын  “20”майындагы

          №127 токтомуна  тиркеме

        

Бишкек шаарынын административдик райондорун

башкаруу тартиби

 

I. Жалпы жоболор

1.  Бишкек шаарынын административдик райондорун башкаруу тартиби Бишкек шаарынын мэриясынын аймактык бөлүмдөрүнүн  административдик райондун аймагында жайгашкан Бишкек шаарынын мэриясынын түзүмдүк бөлүмдөрү жана мамлекеттик органдардын аймактык бөлүмдөрү менен иши жана өз ара аракеттери маселелерин жөнгө салат.

2.  Бишкек шаарынын административдик райондорун башкаруу тартиби

Кыргыз Республикасынын “Жергиликтүү өз алдынча башкаруу жөнүндө” жана “Борбордун статусу жөнүндө” мыйзамдарына ылайык иштелип чыкты.

3. Бишкек шаарынын аймагы шаарда жергиликтүү өз алдынча башкарууну натыйжалуу жүзөгө ашыруу жана жергиликтүү маанидеги  маселелерди чечүү максатында,  өз алдынча администрациялык-аймактык бирдиктер болуп саналбаган, азыркы чектерде төмөнкү төрт административдик райондорго бөлүнөт: Ленин, Октябрь, Биринчи май жана Свердлов райондору.

4. Административдик райондорду башкаруу төмөнкү принциптерде жүргүзүлөт:

а)  шаардыктарды сапаттуу муниципалдык, мамлекеттик кызматтар, ошондой эле жарандардын жашоо ишмердиктерин кызматтар  менен камсыз кылуу боюнча  максималдуу шарттарды түзүү;

         б) Бишкек шаарынын мэриясы тарабынан өткөрүлүп берилген ыйгарым укуктарынын чектеринде башкаруу маселелеринде  Бишкек шаарынын административдик райондорунун өз алдынчалыгы;

         в) административдик райондорду өнүктүрүү программаларын ишке ашыруу үчүн каржы ресурстарын максималдуу топтоо;

г) Бишкек шаарынын административдик райондорунун өз иш-милдеттерин аткаруусу;

  д)  жергиликтүү жамааттын жергиликтүү өз алдынча башкарууну жүзөгө ашырууга тикелей катышуусу төмөнкү формада жүзөгө ашырылат:

 коомдук жана мамлекеттик турмуштун бардык маанилүү маселелерин жана жергиликтүү маанидеги маселелерди жергиликтүү жамааттын мүчөлөрүнүн чогулуштарында (жыйындарында) талкуулоо;

жергиликтүү кеңештердин депутаттарын шайлоо;

ченем чыгаруу демилгесин көтөрүүгө жана/же жергиликтүү маанидеги өзгөчө маанилүү маселелер боюнча тикелей добуш берүүгө катышуу.

       5. Бишкек шаарынын административдик райондорун башкаруу усулдары өзүнө төмөнкүлөрдү камтыйт:

а) административдик райондорду өнүктүрүү пландарын, административдик райондордун, муниципалдык аймактык башкармалыктардын деңгээлинде Бишкек шаарынын мэриясынын бөлүмдөрүнүн иш пландарын түзүү жана аткаруу;

  б)  өз иш-милдеттерин натыйжалуу аткаруусу;

  в)  өкүлдөнгөн маселелер боюнча муниципалдык тапшырыкты түзүү жана жайгаштыруу;

  г) мамлекеттик органдардын аймактык бөлүмдөрү менен өз ара аракеттенүүсү;

  д)  каржы ресурстарын башкаруу;

  е)  мамлекеттик жана муниципалдык кызмат көрсөтүү сапатын баалоо, ошондой эле Бишкек шаарынын жергиликтүү жамааттын жашоо тиричиликти камсыздоо чөйрөсүндө иштин аткарылышы.

II.  Административдик райондорду башкаруу тутуму

        6. Административдик райондорду башкаруу тутумуна төмөнкүлөр кирет:

а) Бишкек шаарынын административдик райондун аппараты;

б) Бишкек шаарынын административдик райондорунун деңгээлиндеги Бишкек шаарынын мэриясынын түзүмдүк бөлүмдөрү;

в) муниципалдык аймактык башкармалык.

       7.  Административдик район – Бишкек шаарынын административдик районунун аймагында жайгашкан мамлекеттик органдардын аймактык бөлүмдөрүнүн, Бишкек шаарынын мэриясынын түзүмдүк бөлүмдөрүнүн, мамлекеттик жана муниципалдык ишканалардын, мекемелердин макулдашылган ишин камсыз кылуучу Бишкек шаарынын мэриясынын аймактык бөлүмү.

   8.  Бишкек шаарынын административдик районунун башчысы өз ишинде Бишкек шаарынын мэрине отчёт берет.

         9. Бишкек шаарынын административдик районунун укуктары, ыйгарым укуктары, ишин уюштуруу тартиби Бишкек шаарынын мэриясы тарабынан иштелип чыгуучу жана Бишкек шаардык кеңеш тарабынан бекитилүүчү  жобо менен аныкталат.

10. Бишкек шаарынын административдик районунун башчысы шаардын мэриясынын аймактык бөлүмдүн жетекчиси болуп саналат жана иш-милдеттерин өзүнө Бишкек шаарынын мэри тарабынан берилген ыйгарым укуктардын чектеринде жүзөгө ашырат.

11.  Бишкек шаарынын административдикрайонунун башчысы:

а) административдик райондун, райондун жашоо-тиричилигин камсыз кылуу боюнча ведомстволук баш ийүүдөгү уюмдардын жана мекемелердин ишине жетекчилик кылат, ошол иштердин натыйжалары үчүн жооп берет;

б) Бишкек шаарынын мэри тарабынан өткөрүлүп берилген ыйгарым укуктарды тийиштүү деңгээлде аткарууну уюштуруу үчүн жеке жоопкерчилик тартат;

в) Бишкек шаарынын мэри тарабынан өткөрүлүп берилген ыйгарым укуктарды жүзөгө ашырат.

12. Муниципалдык аймактык башкармалык – өз ыйгарым укуктарынын алкагында, муниципалдык кызматтарды берүүнү уюштурууну, ошондой эле тийиштүү аймакта жарандардын жашоо тиричилигин камсыздоо боюнча кээ бир  иштерди аткарууну камсыздоочу Бишкек шаарынын мэриясынын аймактык бөлүмү.

Муниципалдык аймактык башкармалыктын ишин контролдоону жана кординациялоону Бишкек шаарынын административдик району жүзөгө ашырат .

III.  Административдик районду өнүктүрүү планы

 

         13. Административдик районду өнүктүрүү планы шаарды өнүктүрүү артыкчылыктарынын, жана Бишкек шаарынын мэриясы тарабынан анын ыйгарым укуктарынын чектеринде аныкталган жана  Бишкек шаардык кеңеш тарабынан бекитилген программаларды жана иш-чараларды кошуу менен муниципалдык аймактык башкармалык аркылуу тикелей шаардыктардын өздөрү, Турак жай менчик ээлеринин (ТЖМЭ), Аймактык коомдук өз алдынча башкаруунун (АКӨАБ), кварталдык, үй комитеттеринин) чогулушу аркылуу түшүүчү райондордун  тургундарынын демилгесинин негизинде түзүлөт.

      14.  Административдик районду өнүктүрүү планын түзүү этаптары:

       а) жыл сайын муниципалдык аймактык башкармалык аймактык коомдук өз алдынча башкаруу жана коомдук уюмдар аркылуу берилген калктын артыкчылыктарын милдеттүү түрдө кошуу менен акмакты өнүктүрүү планын түзөт;

б)  административдик районду өнүктүрүү планы Бишкек шаарынын административдик районунун компетенциясына кирген Бишкек шаарынын мэриясынын  программаларды жана иш-чараларды кошуу менен муниципалдык аймактык башкармалыктын иш планынын жалпыланган көрсөткүчтөрүнүн негизинде түзүлөт.

Административдик районду өнүктүрүү планын түзүү тартиби – жергиликтүү маанидеги маселелерди чечүү боюнча  өткөрүлүп берилген мамлекеттик ыйгарым укуктар жана өткөрүлүп берилүүчү иш-милдеттер алкагында Бишкек шаарынын административдик районунун компетенциясы, Бишкек шаарынын административдик району жөнүндө жобо менен аныкталат. Районду өнүктүрүү планына Бишкек шаарынын мэриясы тарабынан иштелип чыгуучу жана ишке ашырылуучу жана тийиштүү административдик райондун аймагында өнүктүрүүгө таасири бар программалар жана иш-чаралар  киргизилет.

15. Районду өнүктүрүү планы Бишкек шаарынын административдик районунун финансылык ресурстарын, Кыргыз Республикасынын мыйзамы тарабынан тыюу салынбаган булактарды, шаардыктардын жана өнөктөштөрдүн салымын эске алуу менен түзүлөт.

          16. Районду өнүктүрүү планы Бишкек шаарынын мэри тарабынан бир жылга бекитилет. Үстүбүздөгү жылга карата Бишкек шаарынын бюджетинин параметрлери бекитилгенден кийин районду өнүктүрүү планына өзгөртүүлөрдү жана кошумчаларды киргизүүгө жол берилет.

17. Бишкек шаарынын административдик районунун башчысы Бишкек шаарынын мэри тарабынан  берилген ыйгарым укуктарды, ошондой эле,  административдик районду өнүктүрүү планын ишке ашырууну тиешелүү деңгээлде аткарууну уюштуруу үчүн жеке жоопкерчилик тартат. Бишкек шаарынын мэриясы муниципалдык райондук администрацияга административдик районду өнүктүрүү пландарын натыйжалуу ишке ашырууга шарт түзүүчү ыйгарым укуктарды берет.

18. Бишкек шаарынын административдик району муниципалдык, өткөрүлүп берилген мамлекеттик кызматтарды, ошондой эле жарандардын жашоо тиричилигин камсыздоо боюнча кызматтарды берүүнү, анын ичинде бекитилген жобого ылайык муниципалдык тапшырыкты түзүү жана ишке ашыруу аркылуу камсыз кылат.

 

IV.  Бишкек шаарынын административдик районунунБишкек шаарынын мэриясынын аймактык бөлүмдөрү менен өз ара  аракеттенүүсү

 

       19. Бишкек шаарынын мэриясынын аймактык бөлүмдөрүнүн иш пландары жана негизги милдеттери Бишкек шаарынын административдик районун өнүктүрүү планына ылайык келиши керек.

       20. Райондун аймагында жайгашкан Бишкек шаарынын мэриясынын аймактык бөлүмдөрү районду өнүктүрүү планын ишке ашыруу алкагында, ошондой эле мамлекеттик аймактык органдар менен өз ара аракеттенүүнүн негизинде  райондун өнүктүрүүнүн негизги индикаторлоруна жетишкендиги үчүн административдик райондун башчысына отчёт берет.

       21. Бишкек шаарынын мэриясынын аймактык бөлүмдөрүнүн жетекчилери тарабынан өз милдеттери талаптагыдай аткарылбаган учурда, административдик райондун башчысы Бишкек шаарынын мэрине ага карата тартиптик таасир этүүчү чара көрүү жөнүндө көрсөтүү жөнөтөт.

 

V.  Бишкек шаарынын административдик районунунмамлекеттик органдардын аймактык бөлүмдөрү  менен өз ара  аракеттенүүсү

       22. Бишкек шаарынын административдик районунун мамлекеттик органдардын аймактык бөлүмдөрү менен өз ара аракеттенүүсү өнөктөштүктүн жана аракеттерди макулдашуунун негизинде жүргүзүлөт.

       23. Мамлекеттик органдардын аймактык бөлүмдөрү Бишкек шаарынын  административдик районунун өнүктүрүү планын талкуулоого катышууга укуктуу.

       24.  Бишкек шаарынын административдик району мамлекеттик органдардын тийиштүү аймактык бөлүмдөрүнүн ишин баалоону уюштурат, жыйынтыктары жөнүндө Бишкек шаарынын мэриясын маалымдайт.

       25. Мамлекеттик органдардын аймактык бөлүмдөрү тарабынан калкка кызмат көрсөтүү боюнча иш-милдеттер талаптагыдай аткарылбаган учурда, Бишкек шаарынын административдик районунун башчысы Бишкек шаарынын мэрин тийиштүү мамлекеттик органдарга тиешелүү кызмат ээлерине чара көрүү тууралуу  сунуштарды жөнөтүү зарылчылыгы жөнүндө маалымдайт.

VI. Бишкек шаарынын аймактык бөлүмдөрүнүн жана мамлекеттик органдардын ишине мониторинг жүргүзүү жана баалоо  тутуму

26.  Бишкек шаарынын административдик районунун аймагында мониторинг жүргүзүүнүн  жана баалоонун төмөнкүдөй түрлөрү жүргүзүлөт:

         а) Бишкек шаарынын административдик районун өнүктүрүү пландарын ишке ашырууга мониторинг жүргүзүү жана баалоо;

         б) мамлекеттик жана муниципалдык кызматтарды көрсөтүүнүн сапатына калктын канааттануу деңгээлин баалоо;

         в) муниципалдык жана мамлекеттик органдардын аймактык бөлүмдөрүнүн ишин баалоо.

27. Мониторинг жүргүзүү жана баалоону жүргүзүү тартиби Бишкек шаарынын мэриясы тарабынан бекитилүүчү жобо менен аныкталат.

28. Бишкек шаарынын административдик районун өнүктүрүү пландарынын аткарылышын баалоо жыйынтыктары Бишкек шаарынын мэриясынын жана тийиштүү Бишкек шаарынын административдик районунун расмий сайттарына жайгаштырылат.

29. Мамлекеттик жана муниципалдык кызматтарды көрсөтүүнүн сапатына калктын канааттануу деңгээлин баалоо ар бир муниципалдык аймактык башкармалыктын аймагында жүргүзүлөт жана муниципалдык аймактык башкармалыктын  иш пландарын жана  Бишкек шаарынын административдик районун өнүктүрүү планын түзөтүү үчүн негиз болуп саналат.

Муниципалдык, мамлекеттик кызматтарды көрсөтүүнүн сапатына калктын канааттануу деңгээлин баалоо, ошондой эле калктын жашоо тиричилигин камсыздоо боюнча кызматтар кызмат көрсөтүүчүлөрдүн ишин комплекстүү баалоого кирет.

Бишкек шаардык кеңештин

аппарат  жетекчиси                                                               Э. Нурдавлетов

 

  

БИШКЕК ШААРДЫК КЕҢЕШТИН

ТОКТОМУ

Бишкек шаарынын мэриясынын

түзүмү жана штаттык саны жөнүндө

Кыргыз Республикасынын “Борбордун статусу жөнүндө”, “Жергиликтүү өз алдынча башкаруу жөнүндө”, “Кыргыз Республикасынын мамлекеттик жана муниципалдык кызматчыларынын штаттык санынын чеги жөнүндө жана эмгегине акы төлөөнүн шарттары тууралуу”  мыйзамдарына, Кыргыз Республикасынын Өкмөтүнүн  2015-жылдын  27-январындагы № 26 “Бишкек шаарынын өз алдынча башкаруу органдарынын муниципалдык кызматчыларынын штаттык санынын чеги жөнүндө” токтомуна  ылайык, Бишкек шаардык кеңеш

ТОКТОМ КЫЛАТ:

1. Бекитилсин:

       Бишкек шаарынын мэриясынын түзүмү (1-тиркеме);

        Бишкек шаарынын мэриясынын  аппаратынын  штаттык саны (2-тиркеме).

2. Бишкек шаарынын мэриясы (Кулматов К. К.):

 үч айлык мөөнөттө Бишкек шаарынын мэриясынын колдонуудагы түзүмүн бул токтомго ылайык келтирсин;

түзүмдүк өзгөрүүлөрдүн натыйжасында бошой турган жайларды жана аймакты муниципалитеттин социалдык объекттерин жайгаштыруу үчүн гана, анын ичинде Бишкек шаарынын мэриясынын муниципалдык менчик башкармалыгы тарабынан бошотулуучу (Бишкек шаары, Чокморов көчөсү, 246да жайгашкан)  жайларды Бишкек шаарынын мэриясынын маданият башкармалыгынын оперативдүү башкаруусуна Борборлоштурулган китепкана тутумун жайгаштыруу үчүн өткөрүп берүү менен пайдалансын;

2015-жылдын 1-сентябрына чейин ушул токтомдун аткарылышы жөнүндө маалыматты Бишкек шаардык кеңешке берсин;

2015-жылдын 1-декабрына чейин ушул токтомдун аткарылышы жөнүндө отчётту Бишкек шаардык кеңешке берсин.

3. Бишкек шаардык кеңештин 2009-жылдын 4-февралындагы № 53 “Бишкек шаарынын мэриясынын жана райондук администрациялардын аппараттарынын түзүмүн жана штаттык санын  бекитүү жөнүндө”  токтому күчүн жоготту деп табылсын.

4. Ушул токтом каттоодон өткөрүлсүн жана Кыргыз Республикасынын Юстиция министрлигине Кыргыз Республикасынын ченемдик укуктук актыларынын мамлекеттик реестрине киргизүү үчүн  жөнөтүлсүн.

5. Ушул токтомдун аткарылышын контролдоо Бишкек шаардык кеңештин регламент, укуктук маселелер жана укуктук тартип боюнча туруктуу комиссиясына (В. М. Лисниченко)  жана Бишкек шаарынын мэри К. К. Кулматовго жүктөлсүн.

Бишкек шаардык

кеңештин төрагасы                                                   М. А. Аманкулов

 

Бишкек ш., 20-май 2015-жыл, № 126 

 

Приложения:
 

БИШКЕК ШААРДЫК КЕҢЕШТИН

ТОКТОМУ

Бишкек шаарынын  билим берүү

уюмдарында балдардын тамактануусун

уюштуруу жөнүндө

            Бишкек шаардык кеңештин 2014-жылдын 25-июнундагы № 82 “Ачык мүмкүнчүлүктөр  шаары” 2014-2018-жылдарга   карата   Бишкек   шаарын социалдык-экономикалык өнүктүрүү программасын бекитүү жөнүндө”  токтомунун  муниципалдык башкарууну децентралдаштыруу тутумун өркүндөтүү,  Бишкек шаарында сапаттуу балансталган тамактандырууну камсыздоо жолу менен мектепке чейинки  жана  мектеп курагындагы балдардын  ден-соолугун чыңдоо үчүн  оптималдуу шарттарды түзүү,  шаардын мектептеринде  окугандардын тамактануусун экономикалык натыйжалуу уюштуруу тутумун түзүү бөлүгүн ишке ашыруу   максатында,  Бишкек шаардык кеңеш

ТОКТОМ  КЫЛАТ:

         1. Бишкек шаарынын билим берүү уюмдарында балдардын тамактануусун уюштуруу жөнүндө жобо  бекитилсин.

         2.   Бишкек шаарынын мэриясы(Кулматов К. К.):

бекитилген жобого ылайык билим берүү уюмдарында  балдардын  тамактануусун уюштуруу Бишкек шаарынын мэриясынын түзүмдүк бөлүмдөрүнө жүктөсүн;

тамак-аш продуктыларын жана кызматтарды сатып алууга тендерге катышуу үчүн сынактык документти  иштеп чыгууда  генетикалык модификацияланган организмдин (ГМО) химиялык жана даам берүүчү кошулмалардын жоктугуна тастыктамалардын бардыгы жөнүндө талаптарды карап чыксын

         3.  Ушул токтом белгиленген тартипте каттоодон өткөрүлсүн жана  Кыргыз Республикасынын  Юстиция министрлигине Кыргыз Республикасынын ченемдик укуктук актыларынын мамлекеттик реестрине киргизүү үчүн  жөнөтүлсүн.

         4.  Ушул токтом  расмий жарыяланган күндөн тартып  он беш күн өткөндөн кийин күчүнө кирет.

         5.  Бишкек шаардык кеңештин 2008-жылдын 10-июнундагы № 460 “Жалпы билим берүү уюмдарында  балдарды  тамактандырууну уюштуруу жөнүндө жобону бекитүү тууралуу” жана 2006-жылдын 28-сентябрындагы № 242 “Бишкек шаарынын  билим берүү уюмдарында балдарды тамактандырууну уюштуруу жөнүндө” токтомдору күчүн жоготту  деп эсептелсин.

         6.  Ушул токтомдун аткарылышын контролдоо  Бишкек шаардык кеңештин  социалдык маселелер боюнча туруктуу комиссиясына (А. Т. Сариев) жана  социалдык   маселелерди   тейлеген    Бишкек   шаарынын   вице-мэрине (А. М. Рыскулова)  жүктөлсүн.

Бишкек шаардык

кеңештин төрагасы                                                     М. А. Аманкулов

Бишкек ш.,

20-май 2015-жыл, №129

                                                                                               Бишкек шаардык кеңештин

                                                                                               2015-жылдын “20” майдагы

                                                                                               №129  токтомуна тиркеме

 

Бишкек шаарынын билим берүү уюмдарында

балдардын тамактануусун уюштуруу жөнүндө

ЖОБО

I. Жалпы жоболор

 

         1. Бишкек шаарынын билим берүү уюмдарында тамактанууну уюштуруу жөнүндө жобо Кыргыз Республикасынын «Мектепке чейинки билим берүү жөнүндө», «Кыргыз Республикасынын жалпы билим берүү мектептеринде окуучулардын тамактануусун уюштуруу жөнүндө» мыйзамдарына, Кыргыз  Республикасынын Президентинин 2006-жылдын 12-июлундагы №372 ПЖ «Кыргыз Республикасынын жалпы билим берүү мектептеринде окуучуларды тамактандырууну уюштуруу жөнүндө» жарлыгына, Кыргыз Республикасынын Өкмөтүнүн 2006-жылдын 18-сентябрындагы  №673 токтому менен бекитилген “Кыргыз Республикасынын мамлекеттик жана муниципалдык жалпы билим берүү мектептеринде окуучулардын тамактануусун уюштуруу жөнүндө” жобого жана билим берүү уюмдарында тамактанууну уюштуруу  тартибин жөнгө салуучу башка ченемдик укуктук актыларга ылайык иштелип чыкты.  

        2. Бул Жобо тартипти жөнгө салат жана төмөнкү категориялар үчүн Бишкек шаарынын  муниципалдык билим берүү уюмдарында (мындан ары - билим берүү уюмдары) балдардын тамактануусун уюштуруу боюнча иш-милдеттерди жүктөйт:

        а) мектепке чейинки билим берүү уюмдарындагы балдар үчүн;

        б) Бишкек шаарынын атайын (көмөкчү) мектептеринин жана мектеп- интернаттарынын окуучулары үчүн;

        в) башталгыч класстардын окуучулары  (1-4-класстар), ошондой эле, билим берүү уюмдарындагы  5-7-класстардын окуучулары - аз камсыз болгон үй-бүлөлөрдүн балдары үчүн.

II. Тамактанууну уюштуруу тартиби   

       3. Бишкек шаарынын мэриясынын билим берүү башкармалыгы:

     а) тамактанууну уюштуруу методологиясын иштеп чыгууну жүзөгө ашырат, билим берүү уюмдары үчүн  (мектеп-интернаттарынан тышкары) Бишкек шаарынын мамлекеттик санитардык-эпидемиологиялык көзөмөлдөө борбору менен (мындан ары – МСЭКБ) макулдашылган перспективдүү менюну бекитет;

     б) билим берүү уюмдарында  балдардын тамактануусун уюштуруу үчүн   мониторинг жана контроль  жүргүзөт;

    в) билим берүү уюмдарынын тамак-аш блоктору жана ашканасы үчүн  эмеректерди жана өндүрүш жабдыктарын алып берет;

    г) зарыл болгон учурда мамлекеттик жана жеке түзүмдөрдүн адистерин тартуу менен, Бишкек шаарынын мектепке чейинки жана мектеп уюмдарына жеткирилүүчү тамак-аш азыктарынын жана даяр азыктардын сапатын контролдоо боюнча комиссия түзөт.

      4. Бишкек шаарынын административдик райондору:

     а) ведомство алдындагы аймакта турган билим берүү уюмдар үчүн тамак-аш азыктарын жана кызмат көрсөтүүлөрдү сатып алууларды жүргүзүүнү  өз убагында жана толук каржылоону  камсыз кылат;

     б) тамактануунун сапатын жакшыртуу үчүн билим берүү уюмдарынын тамак-аш блокторунун жана ашканаларынын материалдык-техникалык базасын жакшыртуу жана жаңыртуу боюнча иш жүргүзөт; 

     в) Кыргыз Республикасынын  мыйзамдарына ылайык ведомство алдындагы аймактагы тамак-аш азыктарын жана тамак берүү боюнча кызмат көрсөтүүлөрдү сатып алуу процессинде билим берүү уюмдарында акча каражаттардын сарамжалдуу пайдаланылышы үчүн контролду жүзөгө ашырат;

     г) билим берүү уюмдарын себилдөөнү бекитет;

     д) Кыргыз Республикасынын улуттук статистикалык комитети тарабынан бекитилген (№ ОШ 1 формасы, №76-РИК формасы боюнча жыйынтыктоо отчёту) отчёттордун мектептер тарабынан түзүлүшүнүн тууралыгын контролдойт.

           5. Райондук билим берүү борборлор:

    а) Кыргыз Республикасынын «Мамлекеттик сатып алуулар жөнүндө» мыйзамына ылайык билим берүү уюмдарында тамак берүү боюнча  тамак-аш азыктарын жана кызмат көрсөтүүлөрдү сатып алуулар боюнча иш-чараларды жүзөгө ашырат;

     б) тамак-аш азыктарынын көлөмүнө эсепти, ошондой эле, алардын  пайдаланылышы жөнүндө  отчёттуулукту  жүргүзөт; 

     в) билим берүү уюмдарынын ашканаларында жана тамак-аш блокторунда техникалык иштерди аткаруу үчүн атайын уюмдарды тартышат; 

     г) билим берүү уюмдарына тамак-аш азыктарын  ташуу графигин бекитет;

     д) жеткирип туруучулар жана ижарачылар тарабынан  келишим  шарттарынын аткарылышына контролду жүзөгө ашырат;

     е) Бишкек шаарынын мэриясынын билим берүү башкармалыгы менен бирдикте билим берүү уюмдары тарабынан тамактанып жаткан балдардын учётун так талаптагыдай жүргүзүлүшүнө, ошондой эле  мектепке чейинки билим берүү уюмдарына жеткирилүүчү тамак-аш азыктарынын санына жана сапатына контроль жүргүзөт.

  

         6. Билим берүү уюмдары:

     а)  билим берүү уюмдарында тамактанууну уюштурууну  түздөн-түз жетекчиликти жүзөгө ашырат;

     б) тамак-аш блокторду жана жабдыктарды, электр энергия булактарын тиешелүү эксплуатациялоо үчүн контролду жүзөгө ашырат; 

     в) билим берүү уюмдарында балдардын тамактануу режиминсактоону бекитетжана камсыз кылат;

     г) ата-энелер коомчулугунун жана көзөмөлчүлүк кеңешинин мүчөлөрүнүн ичинен тамак-аш азыктарынын жана даярдалган тамактардын сапатын контролдоо боюнча  комиссия түзүүнү демилгелейт, ошондой эле, бул комиссиянын толук кандуу иштөөсү үчүн тийиштүү шарттарды түзөт;

     д) тамактанууну уюштуруу процессинин бардык катышуучуларынын (экспедиторлорду, ашпозчуларды, техникалык тейлөөчү персоналды) медициналык кароодон өткөндүгү жөнүндө документтеринин, ошондой эле, тамак-аш продуктыларына тастыктамалардын болуусун,  тамак-аш продуктыларын ташуунун бекитилген графигинин аткарылышын, тамак-аш продуктыларын ташып жеткирүү үчүн транспорттун тийиштүү санитардык-техникалык абалын талап кылат; 

     е) мектепке чейинки билим берүү уюмдарына тамак-аш продуктыларын жеткирүүгө табыштамаларды түзөт жана райондук билим берүү борборлоруна берет;

     ж) тамактанууну уюштуруу боюнча балдар жана ата-энелер (мыйзамдуу өкүлдөр) менен уюштуруу жана түшүндүрүү  иштерин жүзөгө ашырат;

     з) тамактанууну уюштуруу боюнча тийиштүү документтерди (буйруктар, төлөөгө эсептер, тамактанууга журнал/ табель) жүргүзөт;

     и) накта тамактанып жаткан балдардын так санынын күнүмкү учетун  жүргүзөт. 

  

7. Бишкек шаарынын мэриясынын саламаттыксактоо департаменти:

      а)  Бишкек шаарынын мектептерине медициналык кызматкерлерди бекитет;

      б) ашкана кызматкерлери, окуучулар, мектепке чейинки билим берүү уюмдарындагы балдар жана алардын ата-энелери (мыйзамдуу өкүлдөрү) менен балдардын ден-соолугун сактоо темасында профилактикалык иштерди жүргүзөт.

8. Бишкек шаарынын мэриясынын муниципалдык менчикти башкаруу боюнча департаменти:

 тендердик комиссиянын чечиминин негизинде турак эмес жайларды (муниципалдык мектептердин ашканасын) жана ижарага алынган жайда турган мүлктү ижаралоо келишимин түзөт.

Ш. Каржылоо

         9. Билим берүү уюмдарында балдардын тамактануусуна чыгымдарды каржылоо булактары болуп төмөнкүлөр саналат:

а)  бюджеттик каражаттар;

б) ата-энелердин төлөмдөрү;

в) Кыргыз Республикасынын  мыйзамдары тарабынан тыюу салынбаган булактар.

IV. Отчёттуулук

         10. Тамактанууну уюштуруу боюнча отчёттуулук  билим берүү уюмдары жана райондук билим берүү борборлору тарабынан Кыргыз Республикасы тарабынан белгиленген тартипте жүргүзүлөт.

         11. Билим берүү уюмдары ай сайын сатып алуучу уюмга - райондук билим берүү борборлоруна жалпылоо жана административдик райондун каржы бөлүмүнө жөнөтүү үчүн отчёт беришет. 

V. Кызматташуу

         12. Тамак-аш продуктыларын жеткирип берүүчүлөрдүн жана тамактанууну уюштуруу боюнча кызмат көрсөтүүчү жактардын  өз ара аракеттенүү тартиби жана жоопкерчилик деңгээли билим берүү уюмдарына тамак-аш продуктыларын жеткирүүгө жана ысык тамактанууну уюштурууга  келишимдер тарабынан  Кыргыз Республикасынын мыйзамы тарабынан белгиленген тартипте жөнгө салынат.

         13. Билим берүү уюмдарында тамактанууну уюштуруу маселелери боюнча укук мамилелердин катышуучулары тамак-аш чийки заттарынын жана тамак-аш продуктыларынын техникалык регламенттеринин аткарылышын контролдоо чөйрөсүндөгү ыйгарым укуктуу мамлекеттик органдарды, ошондой эле, тамак-аш продуктыларын жана даяр тамак-ашты лабораториялык изилдөөлөрдү жүргүзүү үчүн мамлекеттик эмес уюмдардын  эксперттерин жана адистерин тартууга укуктуу.   

         14. Тамактанууну уюштуруу маселелери боюнча  укук мамилелердин катышуучулары, тамактанууну уюштуруу боюнча продуктыларды жана кызматтарды сатып алуу боюнча  тендердик комиссиянын мүчөлөрү Кыргыз Республикасынын  «Мамлекеттик сатып алуулар жөнүндө» мыйзамы жана бул укук мамилелерди жөнгө салуучу Кыргыз Республикасынын башка ченемдик укуктук актылары тарабынан белгиленген талаптарга сатып алуулардын  ылайыктуулугун аныктоо максатында аудит жүргүзүү үчүн консультативдик агенттиктерди же уруксаттамаланган адистерди  тартууга укуктуу.

VI. Жоопкерчилик

         15. Бишкек шаарынын административдик райондорунун башчылары,  социалдык маселелерди тейлеген Бишкек шаарынын вице-мэри, Бишкек шаарынын мэриясынын түзүмдүк бөлүмдөрүнүн жетекчилери, тамактанууну уюштуруу үчүн жооптуулар жана  билим берүү уюмдарынын жетекчилери ушул жобонун,  Кыргыз Республикасынын ченемдик укуктук актылардын аткарылышына Кыргыз Республикасынын мыйзамдарына ылайык жеке жоопкерчилик тартышат.

                                                        

Бишкек шаардык кеңештин

аппарат жетекчиси                                                   Э. А Нурдавлетов 

 

Бишкек шаардык кенештин

ТОКТОМУ

Турак жай ээлеринин шериктиктеринин

жалпы үлүштүк менчигине жалпы мүлктү

өткөрүп берүү жөнүндө

         Кыргыз Республикасынын Турак жай кодексин, Кыргыз Республикасынын “Көп батирлүү үйлөрдүн турак жана турак эмес жайларынын менчик ээлеринин шериктиктери жөнүндө” жана “Мүлккө муниципалдык менчик жөнүндө”  мыйзамдарын жетекчиликке алып, турак жай ээлеринин шериктиктеринин жалпы үлүштүк менчигине жалпы мүлктү өткөрүп берүү маселеси боюнча материалдарды карап чыгып, Бишкек шаардык кеңеш

ТОКТОМ КЫЛАТ:

  1. Бишкек шаарынын мэриясы Кыргыз Республикасынын мыйзамы тарабынан белгиленген тартипте:

 

а) Шопоков көчөсү,  № 33 үй, № 35 үй дарегинде жайгашкан жалпы мүлктү (“Бишкекшаарлифт” муниципалдык ишканасынын чарба жүргүзүү укугунда турган муниципалдык турак эмес жайлардан тышкары) “Булак 33” турак жай менчик ээлеринин шериктиктигине жалпы үлүштүк менчикке өткөрүп берсин жана  муниципалдык менчиктин объекттеринин реестрине тийиштүү өзгөртүүлөрдү киргизсин;

б) “Чыгыш-5” кичирайону,  № 24/2 үй дарегинде жайгашкан жалпы мүлктү “Батыр Ордо” турак жай менчик ээлеринин шериктиктигине жалпы үлүштүк менчикке өткөрүп берсин жана  муниципалдык менчиктин объекттеринин реестрине тийиштүү өзгөртүүлөрдү киргизсин;

в) Чүй проспекти, № 73 үй  дарегинде жайгашкан жалпы мүлктү “Ника” турак жай менчик ээлеринин шериктиктигине жалпы үлүштүк менчикке өткөрүп берсин жана  муниципалдык менчиктин объекттеринин реестрине тийиштүү өзгөртүүлөрдү киргизсин;

 г) Гоголь көчөсү, № 114 үй дарегинде жайгашкан жалпы мүлктү “Гоголь 114” турак жай менчик ээлеринин шериктиктигине жалпы үлүштүк менчикке өткөрүп берсин жана  муниципалдык менчиктин объекттеринин реестрине тийиштүү өзгөртүүлөрдү киргизсин;

д) 5-кичирайон, № 15 үй дарегинде жайгашкан  жалпы мүлктү “Пятнашка” турак жай менчик ээлеринин шериктиктигине жалпы үлүштүк менчикке өткөрүп берсин жана  муниципалдык менчиктин объекттеринин реестрине тийиштүү өзгөртүүлөрдү киргизсин;

е) 12-кичирайону, № 33 үй дарегинде жайгашкан жалпы мүлктү (“Бишкекшаарлифт” муниципалдык ишканасынын чарба жүргүзүү укугунда турган муниципалдык турак эмес жайлардан тышкары) “Ынтымактуу үй” турак жай менчик ээлеринин шериктиктигине жалпы үлүштүк менчикке өткөрүп берсин жана  муниципалдык менчиктин объекттеринин реестрине тийиштүү өзгөртүүлөрдү киргизсин;

ж) Исанов көчөсү, № 143 үй дарегинде жайгашкан жалпы мүлктү “Тынчтык миллион” турак жай менчик ээлеринин шериктиктигине жалпы үлүштүк менчикке өткөрүп берсин жана  муниципалдык менчиктин объекттеринин реестрине тийиштүү өзгөртүүлөрдү киргизсин.

  2. Бишкек шаардык кеңештин 2007-жылдын 30-ноябрындагы     № 382 “Муниципалдык менчиктин объекттеринин тиешелүүлүгү маселесин талдап чыгуу боюнча комиссия түзүү жөнүндө” токтому менен бекитилген турак үйлөрдө жайгашкан муниципалдык жайлардын тиешелүүлүгүн табуу жана мындан ары аларды турак жай ээлеринин шериктиктиктерине өткөрүп берүү мүмкүнчүлүгү маселеси боюнча комиссия бул багытта ишти улантсын.

 

  3. Ушул токтомдун аткарылышын контролдоо Бишкек шаардык кеңештин муниципалдык менчик, жер маселелери, шаар курулуш жана архитектура боюнча туруктуу комиссиясына (У. Е. Адылбеков) жана Бишкек шаарынын вице-мэри Б. О. Дюшембиевге жүктөлсүн.

Бишкек шаардык

кеңештин төрагасы                                                         М. А. Аманкулов

Бишкек ш.,

29-апрель 2015-жыл,  № 123 

  1. №124 Бишкек шаарынын көп кабаттуу турак үйлөрүндөгү лифттерди күтүүгө, техникалык тейлөөгө жана уюштурууга тарифтерди бекитүү жөнүндө
  2. №117 Тынчтык проспектин Чынгыз Айтматов атындагы проспектине кайра атоо жөнүндө
  3. №116 Бишкек шаардык кеңештин 2013-жылдын 2-апрелиндеги "22 "Бишкек шаарынын географиялык объекттерин кайра атоо маселелерин тартипке келтирүү жөнүндө" токтомуна толуктоолорду киргизүү жөнүндө
  4. №115 Бишкек шаардык кеңештин 2012-жылдын 12-июнундагы №136 "Бишкек шаарынын жарды жана жеңилдик алууга укугу бар тургундарын социалдык колдоо жөнүндө" токтому менен бекитилген "Бишкек шаарынын жарды жана жеңилдик алууга укугу бар тургундарына ...

Подкатегории

Депутатский корпус

Новости политических партий