Кыргыз Республикасынын “Жергиликтүү өз алдынча башкаруу жөнүндө”, “Борбордун статусу жөнүндө” мыйзамдарын жана Бишкек шаардык кеңешинин регламентин жетекчиликке алып, ошондой эле 2019-жыл үчүн Бишкек шаарынын мэриясынын билим берүү башкармалыгынын отчетун угуп чыгып, Бишкек шаардык кеңеши

ТОКТОМ КЫЛАТ:

1. 2019-жыл үчүн Бишкек шаарынын мэриясынын билим берүү башкармалыгынын отчету канааттандыраарлык эмес деп табылсын.
2. Бишкек шаарынын мэриясы:

балдардын тамактануусун өз убагында жана сапаттуу уюштуруу боюнча  көйгөйдү чечүү максатында, мамлекеттик сатып алууларды өткөрүү процедурасы жана тамактанууну уюштуруу менен алектене турган тамактануу жаатындагы тийиштүү адистерди (технологдор, медициналык кызматкерлер жана башка адистер) тартуу менен,  адистештирилген түзүмдүк бөлүмдү (мекеме, ишкана же бөлүм) түзүү жолу менен Бишкек шаарынын жалпы билим берүү уюмдарында ысык тамак уюштуруу тутумун өзгөртүү боюнча сунуш киргизсин;

билим берүү башкармалыгынын жетекчилиги тарабынан жүргүзүлүүчү жалпы билим берүү уюмдарынын иши үчүн контролду күчөтсүн.

3. Ушул токтомдун аткарылышын контролдоо Бишкек шаардык кеңешинин социалдык маселелер боюнча туруктуу комиссиясына жана социалдык маселелерди тейлеген Бишкек шаарынын вице-мэрине жүктөлсүн.

Төрага                                                                                      Ж. Б. Абиров 

Кыргыз Республикасынын “Кыргыз Республикасындагы географиялык аталыштар жөнүндө”, Кыргыз Республикасынын “Жергиликтүү өз алдынча башкаруу жөнүндө” мыйзамдарына ылайык, Бишкек шаарында топонимика жана атын түбөлүккө калтыруу боюнча комиссиянын жыйынынын 2019-жылдын 11-октябрындагы №1 протоколун эске алуу менен, Бишкек шаардык кеңеши     

ТОКТОМ КЫЛАТ:

1. Ч. Түлөбердиев – Кокчетав - Көк-Сай көчөлөрүнүн - ЧЧКнын чектеринде жайгашкан Бишкек шаарындагы сейилбакка Чолпонбай Түлөбердиевдин аты тиркелген чиймеге ылайык ыйгарылсын.

2. Жерге жайгаштыруу жана кыймылсыз мүлккө укуктарды каттоо боюнча Бишкек шаардык башкармалыгы, “Бишкекбашкыархитектура” муниципалдык ишканасы эсепке алуу, инвентаризациялоо маалыматтарына тийиштүү өзгөртүүлөрдү киргизсин.

3. Ушул токтом каттоодон өткөрүлсүн жана Кыргыз Республикасынын ченемдик укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтүлсүн.

4. Ушул токтомдун аткарылышын контролдоо Бишкек шаардык кеңештин муниципалдык менчик, жер маселелери, шаар куруу жана архитектура боюнча туруктуу комиссиясына, шаар куруу жана архитектура маселелерин тейлеген Бишкек шаарынын вице-мэрине жүктөлсүн.

Бишкек шаардык кеңешинин төрагасы                                    Ж. Б. Абиров

Тиркеме

Кыргыз Республикасынын “Мүлккө муниципалдык менчик жөнүндө” мыйзамына ылайык, Кыргыз Республикасынын Юстиция министрлигинин 2019-жылдын 19-декабрындагы № 04-1/52-18597 корутундусун эске алып, Бишкек шаардык кеңеши

ТОКТОМ КЫЛАТ:

1. Бишкек шаарынын “Маданият” конушунда жайгашкан “Кыргыз Республикасынын Коргонуу иштери боюнча мамлекеттик комитетинин Бишкек квартиралык-эксплуатациялык бөлүгү” мекемесинин мөөнөтсүз пайдалануусунда турган жалпы аянты 82 чарчы метр болгон жер участокту канализациялык насос станциясын куруу үчүн Бишкек шаарынын муниципалдык менчигине кабыл алууга Кыргыз Республикасынын белгиленген мыйзамы тарабынан белгиленген тартипте макулдук берилсин.

2. Бишкек шаарынын мэриясы белгиленген тартипте, ушул токтомдун 1-пунктунда көрсөтүлгөн жер участокту кабыл алуу боюнча чара көрсүн.

3. Ушул токтомдун аткарылышын контролдоо Бишкек шаардык кеңештин муниципалдык менчик, жер маселелери, шаар куруу жана архитектура боюнча туруктуу комиссиясына жана Бишкек шаарынын шаар куруу жана архитектура маселелери боюнча вице-мэрине жүктөлсүн.

Төрага                                                                                      Ж. Б. Абиров

Кыргыз Республикасынын Турак жай кодексине, Кыргыз Республикасынын «Мүлккө муниципалдык менчик жөнүндө», Кыргыз Республикасынын «Жергиликтүү өз алдынча башкаруу жөнүндө» мыйзамдарына ылайык, муниципалдык менчикте турган турак жай фондунун объекттерин менчиктештирүүнү, аларды жеке жактардын менчигине акысыз негизде өткөрүп берүү жолу менен жүзөгө ашырууга уруксат берилүүчү өзгөчө учурларды аныктоо максатында, Бишкек шаардык кеңеши

                                      ТОКТОМ КЫЛАТ:

1. Муниципалдык турак-жай фондунун объекттерин менчиктештирүү өзгөчө учуруларда акысыз негизде жүзөгө ашырыла турган жактардын төмөнкү категориялары бекитилсин:

Олимпиадалык оюндардын чемпиондору;

Олимпиадалык оюндар программасына кирген спорттун түрлөрү боюнча дүйнө чемпиондору.

2. Ушул токтом каттоодон өткөрүлсүн жана Кыргыз Республикасынын ченемдик укуктук актыларынын мамлекеттик реестрине киргизүү үчүн жөнөтүлсүн.

3. Ушул токтомдун аткарылышын контролдоо Бишкек шаардык кеңештин муниципалдык менчик, жер маселелери, шаар куруу жана архитектура боюнча туруктуу комиссиясына жана транспорт жана муниципалдык мүлк маселелерин тейлеген Бишкек шаарынын вице-мэрине жүктөлсүн.

Бишкек шаардык кеңешинин төрагасы                               Ж. Б. Абиров