Бишкек шаардык кеңештин

ТОКТОМУ

Бишкек шаардык кеңештин 2006-жылдын

28-ноябрындагы №266 “Бишкек шаарынын

күнү жөнүндө” токтомуна өзгөртүүлөрдү

жана толуктоолорду киргизүү жөнүндө

         Кыргыз Республикасынын “Жергиликтүү өз алдынча башкаруу жөнүндө” мыйзамына ылайык, Бишкек шаардык кеңеш

ТОКТОМ КЫЛАТ:

1. Бишкек шаардык кеңештин 2006-жылдын 28-ноябрындагы №266 “Бишкек шаарынын күнү жөнүндө” токтомунун 1-пункту төмөнкү  редакцияда берилсин: “1. Бишкек шаарынын күнүн майрамдоо күнү болуп 2014-жылдын сентябрь айынын акыркы ишемби күнү белгиленсин”.
2. Бишкек шаарынын мэриясына Бишкек шаарынын туулган так күнүн  аныктоо боюнча комиссия түзүү жана Кыргыз Республикасынын мыйзамына ылайык Бишкек шаардык кеңештин сессиясынын кароосуна сунуш киргизүү тапшырылсын.
3. Бул токтомдун аткарылышын контролдоо Бишкек шаардык кеңештин регламент, укук маселелери жана укук тартиби боюнча туруктуу комиссиясына (В. М. Лисниченко)  жана  Бишкек  шаарынын  вице-мэри А. И. Усубакуновага жүктөлсүн.

Төрага                                                                              М. А. Аманкулов

Бишкек ш.,

18-февраль 2014-жыл, №73 

Бишкек шаардык кеңештин

ТОКТОМУ

Бишкек шаардык кеңештин 2012-жылдын

28-декабрындагы  №4 “Туруктуу комиссиялардын

курамын түзүү жөнүндө” токтомунун тиркемесине

өзгөртүүлөрдү   киргизүү жөнүндө

         Бишкек шаардык кеңештин регламентинин 5-главасын жетекчиликке алып, “КСДП” фракциясынын жетекчиси А. М. Кененбаевдин катына ылайык, Бишкек шаардык кеңеш

ТОКТОМ КЫЛАТ:

1. “Кыргызстандын социал - демократиялык партиясы” фракциясынын мүчөсү – Аманбай Кайыпович Кайыпов Бишкек шаардык кеңешинин бюджет жана финансы боюнча туруктуу комиссиясынын курамынан чыгарылсын.
2.   “Кыргызстандын социал - демократиялык партиясы” фракциясынын мүчөсү – Дамирбек Толосунович Джумашов  Бишкек шаардык кеңешинин бюджет жана финансы боюнча туруктуу комиссиясынын курамына киргизилсин.
3. Бишкек шаардык кеңештин 2012-жылдын  28 - декабрындагы  №4 “Бишкек шаардык кеңештин туруктуу комиссияларынын курамын түзүү жөнүндө” токтомунун 2 - тиркемесинин 5 - сабындагы “Аманбай Кайыпович Кайыпов” деген сөздөр “Дамирбек Толосунович Джумашов” деген сөздөр менен алмаштырылсын.
4. Бул токтомдун аткарылышын контролдоону өзүмдө калтырам.

Төрага                                                                            М. А. Аманкулов

Бишкек ш.,

18-февраль 2014-жыл, №72

Бишкек шаардык кеңештин

ТОКТОМУ

Бишкек шаарынын жолдорундагы 

коопсуздукту камсыздоо боюнча 

отчёт жөнүндө

         Бишкек шаарынын мэриясынын, Бишкек шаарынын Ички иштер башкы башкармалыгынын жол кайгуул кызматынын, Кыргыз Республикасынын  Ички иштер министрлигинин жол кайгуул кызматынын адистештирилген монтаждоо эксплуатациялоо башкармалыгынын, Бишкек шаарынын мэриясынын шаардык транспорт башкармалыгынын 2013-жыл үчүн  Бишкек шаарынын  жолдорундагы  коопсуздукту камсыздоо боюнча отчётторун угуп жана талкуулап чыгып, Кыргыз Республикасынын “Борбордун статусу жөнүндө”, “Жергиликтүү өз алдынча башкаруу жөнүндө” мыйзамдарынын жана  Бишкек шаардык кеңештин регламентинин негизинде, Бишкек шаардык кеңеш

ТОКТОМ КЫЛАТ:

1. Бишкек шаарынын Ички иштер башкы башкармалыгынын  жол кайгуул кызматынын, Кыргыз Республикасынын  Ички иштер министрлигинин жол кайгуул кызматынын адистештирилген монтаждоо эксплуатациялоо башкармалыгынын 2013-жыл үчүн Бишкек шаарынын  жолдорундагы  коопсуздукту камсыздоо боюнча отчёттору эске алынсын.

1. Бишкек шаарынын мэриясынын шаардык транспорт башкармалыгынын  2013-жыл үчүн Бишкек шаарынын  жолдорундагы  коопсуздукту камсыздоо боюнча иши канааттандыраарлык эмес деп табылсын.

1. Бишкек шаарынын мэри К. К. Кулматовго төмөнкүлөр тапшырылсын:
2. шаардык транспорт чөйрөсүнө жооптуу кызматкерлердин жоопкерчилигине чара көрүү;
3. 2014-жылдын 30-апрелине чейин Бишкек шаардык кеңешке көрүлгөн чаралар жөнүндө маалымат берүү.

1. Бул токтомдун аткарылышын контролдоо Бишкек шаардык  кеңештин регламент, укук маселелери жана укук тартиби боюнча туруктуу комиссиясына (В. М. Лисниченко)  жана Бишкек шаарынын мэри  К. К. Кулматовго жүктөлсүн.

Бишкек шаардык

кеңештин төрагасы                                                        М. А. Аманкулов

Бишкек ш.,

18-декабрь 2014-жыл, №67   

Бишкек шаардык кеңештин

ТОКТОМУ

Бишкек шаардык мэриясынын

түзүмү  жөнүндө

         Кыргыз Республикасынын “Борбордун статусу жөнүндө” мыйзамынын 19-беренесине ылайык, Бишкек шаардык кеңеш

ТОКТОМ КЫЛАТ:

1. Бишкек шаарынын мэри тарабынан киргизилген Бишкек шаарынын мэриясынын түзүмү  жөнүндө маалыматы эске алынсын (тиркелет).

1. Бишкек шаарынын мэриясы:

а) Бишкек шаардык кеңешинин туруктуу комиссияларынын корутундуларын, Бишкек шаарынын мэриясынын бөлүкчөлөрүнүн функционалдык анализи жана  2014 - жылдын 19 - февралындагы  № 70 Бишкек шаардык кеңештин токтому менен бекитилген  “ “Шаар жана шаардыктар”  Бишкек шаарынын социалдык-экономикалык өнүгүүсүнүн стратегиялык артыкчылыктары (2014 - 2018-жылдар)” боюнча сунуштарын эске алуу менен Бишкек шаарынын мэриясынын түзүмүн иштеп чыксын. 

б) 2014-жылдын 1 - апрелине чейин Бишкек шаарынын түзүмүн Бишкек шаардык кеңештин сессиясынын кароосуна киргизсин.

1. Бул токтомдун аткарылышын контролдоо Бишкек шаарынын мэри К. К. Кулматовго жана Бишкек шаардык кеңештин регламент, укук маселелери     жана    укук    тартиби    боюнча    туруктуу    комиссиясына  

(В. М. Лисниченко) жүктөлсүн.

Төрага                                                                              М. А. Аманкулов

Бишкек ш.,

18-февраль 2014-жыл, №71

ТИРКЕМЕ