Шрифттин өлчөмү
Аралык
Сүрөттөр
 

Долбоор

Бишкек шаарынын мэриясы

21.12.2020

БИШКЕК ШААРДЫК КЕҢЕШТИН ТОКТОМУ

Кыргыз Республикасынын «Жергиликтүү өз алдынча башкаруу жөнүндө», «Борбордун статусу жөнүндө» мыйзамдарына ылайык, Кыргыз Республикасынын «Сырткы видеобайкоо жөнүндө» Мыйзамынын 8-беренесин жетекчиликке алып, Бишкек шаардык кеңеш

ТОКТОМ КЫЛАТ:

  1. Сырткы видеобайкоо системасын (мындан ары – СВБС) жабдуулоого жаткан Бишкек шаарынын аймагында жайгашкан уюмдардын, ишканалардын жана мекемелердин объекттеринин тизмеси тиркемеге ылайык бекитилсин.
  2. Бишкек шаарынын администрациялык райондорунун башчылары ушул токтомдун тиркемесинде көрсөтүлгөн объекттерди СВБС жабдуулоого Бишкек шаарынын Ички иштер башкы башкармалыгына көмөк көрсөтүшсүн.
  3. СВБС орнотууну пландоодо Кыргыз Республикасынын Өкмөтүнүн 2020-жылдын 29-апрелиндеги № 224 «Сырткы видеобайкоо системасына коюлуучу техникалык талаптарды бекитүү жөнүндө» токтому жетекчиликке алынсын.
  4. Ушул токтом каттоого алынсын жана Кыргыз Республикасынын Юстиция министрлигине Кыргыз Республикасынын мамлекеттик ченемдик укуктук актыларынын реестрине киргизүү үчүн жөнөтүлсүн.
  5. Ушул токтомдун аткарылышын контролдоо Бишкек шаардык кеңештин регламент, этика, укуктук маселелер жана укук тартиби боюнча туруктуу комиссияга жана Бишкек шаарынын биринчи вице-мэрине жүктөлсүн.

Бишкек шаардык кеңештин төрагасы                                                            Ж.Б. Абиров

Тиркемелер:

- Маалымкат-негиздеме (doc. 16 Кб)