Кыргыз Республикасынын Министрлер Кабинети
БИШКЕК ШААРДЫК КЕҢЕШТИН ТОКТОМУ
Бишкек шаардык кеңештин төрагасынын
орун басарын шайлоо жөнүндө
Кыргыз Республикасынын “Борбордун статусу жөнүндө” жана “Жергиликтүү өз алдынча башкаруу жөнүндө” мыйзамдарынын негизинде, Бишкек шаардык кеңештин XXVII чакырылышынын биринчи сессиясынын эсептөө комиссиясынын төрагасынын Бишкек шаардык кеңештин төрагасын шайлоо боюнча жашыруун добуш берүүнүн жыйынтыктары жөнүндө маалыматын угуп чыгып, Бишкек шаардык кеңеш
ТОКТОМ КЫЛАТ:
- Бишкек шаардык кеңештин XXVII чакырылышынын биринчи сессиясынын эсептөө комиссиясынын отурумунун Бишкек шаардык кеңештин төрагасынын орун басарын шайлоо жөнүндө №4, №5 протоколдору бекитилсин (тиркелет).
- Бишкек шаардык кеңештин депутаты – Валентина Михайловна Лисниченко XXVII чакырылыштагы Бишкек шаардык кеңештин төрагасынын орун басары болуп шайланды деп эсептелсин.
- Бишкек шаардык кеңештин 2015-жылдын 26-октябрындагы №156 “Бишкек шаардык кеңештин төрагасынын орун басарын шайлоо жөнүндө” токтому күчүн жоготту деп табылсын.
- Бул токтом белгиленген тартипте жарыялансын.
Төрага К. Б. Музуралиев
Бишкек ш.,
30-декабрь 2016-жыл, №2
